दिए प्रधानमन्त्रिले राजिनामा

नयाँ सरकार गठनकालागि प्रमुख बाधक रहेको आरोप खेप्दै आएका थिए प्रधानमन्त्रि गिरिजा प्रसाद कोइरालाले । तर आज उनले अन्तरिम संसद समक्ष राजिनामा दिए। कान्तिपुर अनलाइनका अनुसार उनको राजिनामा शान्ति तथा पुनर्निर्माण मन्त्रि रामचन्द्र पौडेलले पढेर सुनाएछन । सायद आफुले पढ्न नसकेरै होला ।  दिउँसो तिन बजेतिर गरेका हुन राजिनामा । आफ्नो राजिनामामा उनले समति र सहकार्यको परम्परा नछोड्न सबैलाई आग्रह गरेका छन। अहिलेसम्मको शान्तिको मार्ग, राजतन्त्रको सहज किनारा र गणतन्त्र घोषणाका गहन विषयमा आफुले खेलेको भूमिका र जिम्मेवारीको स्मरण गरेकोपनि उनले उल्लेख गरेछन । सबै दलहरु भौंतारिएको र आफुसमेत भौंतारिएकाले संसदमा आफ्ना पिँडा पोख्न आएपनि दलहरुबिच सहमति, सहकार्य र एकताको बिकल्प नभएकोपनि उल्लेख गरे उनले।

देशले ठुला थुप्रै चुनौति र सम्भावनाहरु मध्ये केहि पार गरेको र अझै थुप्रै बाँकि रहेकाले तिनको सहज समाधान गर्न देश र जनताको भलाईका लागि समहति आफुले सहयोग गर्नेपनि उल्लेख रहेछ । उनले सबैभन्दा ठुलो पार्टीका हैसियतले सहमति र संबैधानिक प्रावधान अनुसार सरकार निर्माणको दिशामा अघि बढ्न माओवादीलाई आव्हानपनि गरे। नयाँ संविधान लेख्नका लागि सबैले सहयोग गर्नपनि सबैलाई उनले आग्रह गरे ।
अब हुन्छ के ? हिजो सात दलले संबिधान संशोधनको प्रस्ताव राखेका छन । कोइरालाले राजिनामा दिएपनि त्यो पास हुनु पहिले संविधान संशोधन प्रस्ताब पास हुनुपर्छ । संविधान सभाबाट सामान्य बहुमतलेनै राष्ट्रपति चुनिएपछि कोइरालाको राजिनामा त्यहि राष्ट्रपतिले स्विक्रित गर्ने हो । किनभने अन्तरिम संविधानमा प्रधानमन्त्रिले राष्ट्रपति समक्ष राजिनामा पेश गर्ने भनेर उल्लेख छ। अनि अब नयाँ सरकार गठनको बाटो पनि खुल्छ। एमाले र माओवादीबिच को समहति अनुसार राष्ट्रपति एमालेले लिने भन्ने छ । एमालेले आफ्नो तर्फबाट पार्टीका पूर्व महासचिवलाई उभ्याएको छ । त्यसो भयो भने माधवकुमार नेपाल समक्ष गिरिजाले राजिनामा पेश गरेको रमाइलो द्रिष्य देखिन बेर छैन। तस्विर-कान्तिपुर अनलाइन ।