तस्विरमा यस वर्षको दशैं

विश्वभरि छरिएका नेपालीले यस पटकपनि सधैं झैं दशैं मनाए । स्वदेशमा मात्रै होइन, विदेशमा बस्ने नेपालीलेपनि आफ्नै पाराले मनाए । कतिपयले दुखि हुँदै, कतिपयले स्वदेश र परिवार संझैँदै, भक्कानिँदैपनि मनाए । आफ्नो घर पुग्न नसकेका, नपाएका र अनेक दुख र सास्तिले गर्दा मनाउन नपाएकाहरुकालागि दशैं आँसुको भेल भएपनि अधिकांश नेपालीले आफ्नो क्षमता अनुसारको दशैं मनाए, अझै केहि दिन मनाउँने छन् ।

(गायिका जेनी खालिङको दशैं)

आज बडा दशैको मुख्य दिनसँगै दशैंको रौनक सेलाउँदै जाने छ । बिजया दशमीको मुख्य दिन टिका लगाएपछि दशैं धेरैकालागि खासै मुल चासो रहँदैन । जेहोस, यो दशैंपनि अनेक संझना, रिनको भारी, परिवार टाढा हुनुको दुख र पिर, पारिवारिक मिलन अनि रमाईलो गर्दै बित्यो । दशैंमा धेरैले धेरै खाले तस्विरहरु राखे सामाजिक सन्जालमा । दशैंका फोटाले सामाजिक सन्जाल अझै रङ्गिएकै छ । नेपाल प्लसले सामाजिक सन्जालमा देखिएका तस्विर मध्ये आफूलाई रोचक लागेका केहि तस्विर राखेको छ । यि सबै तस्विर सामाजिक सन्जाल फेसबूकबाट लि ई एका हुन् ।