बाबाका अगाडि छाती पिट्दै डाँको छोडेर किन रोईन यि युवती ?
चितवनको कपिया गाउँ पुग्दा अनौठो घटना देखियो । अगाडि कुर्सीमा पहेंलो वस्त्रधारी थिए । तिनका छेउ छेउमा सहयोगी थिए दुई तिन जना । ति पहेंलो वर्त्रधारीका अगाडि एक जना महिला डाँडो छोडेर रोएकि थि ईन । बलिन्द्र आँसु झरेका थिए । सानो गम्छाले आँसु पुछ्दै थि ईन । रुँदै थि ईन उनी । वरिपरि थुप्रै रमिते झैं हेरिरहेका थिए । केहि महिला डाँको छोडेर रुनेका पछाडी लाममा थिए । लाग्थ्यो, ति रुन हतारिएका छन् । त्यसैले रुने पालो कुरेर उभिएका छन् ति। पहेंलो वस्त्रधारी बाबा भने मुसुमुसु मुस्कुराउँदै थिए ।
उनी रहेछन् अर्चना बाबा । भगवान महादेवका अनुयायी रे । यि अर्चना बाबा रहेछन्, अर्धनारिश्वरी । अर्थात् आधा नारी र आधा पुरुष । अर्ध नारिश्वरी भनिएपनि बाबा पुरुषधारीनै देखिएका थिए ।
आजकाल गाउँ गाउँमा यि अर्चना बाबाका अनुयायीहरु फैलिँदै रहेछन् । गाउँमा यस्तो जमघट राखिँदो रहेछ । बाबाका अगाडि आफ्ना सबै दुख, मर्का, पिर, पीडाहरु, अप्ठेरा र समस्या राखिदिने रहेछ । ति सबै खुलेर बताउने गरिँदो रहेछ । वा बाबाका अगाडि आफ्ना सबै पिर चिन्ता, मनमा अड्केका, ह्रिदयमा लुकेका, अरुलाई सुनाउन नसकिएका ब्यथाहरु बाबाका अगाडि बताउनुपर्छ भन्दै प्रचार गरिँदो रहेछ । खासगरि महिलाहरुले आफ्ना दुख र बेदना बाबाका अगाडि रुँदै रुँदै बताउँदा रहेछन् ।
महिलाहरु लाममा बस्छन् । पालैपालो बाबाको चरणमा जान्छन् । रुँदै आफ्ना बेदना कहनछन् । बाबा सुनेर बस्छन् केहि बेर । मुसुक्क मुस्कुराउँछन् । बाबाको हातमा जलको अंखोरा हुन्छन् । निकैबेर सुनिसकेपछि बाबाले केहि मन्त्र फलाक्छन् । हातमा जल लिएर रुनेको शरिरमा छर्किदिन्छन् । हात समातेर स्पर्ष गर्छन् । शिरमा हत्केला राखेर अथास्तु गरिदिन्छन् । महिला रुन कम हुन्छ । बाबाका सहयोगीले बुटी जस्तो दिन्छन् । फूल दिएर शिरमा लगाइदिन्छन् । त्यसपछि अर्कि महिलाको पालो आउँछ ।
बाबालाइ आफ्ना पिर, बेदनाहरु सुनाए सबै हराउँछन् । बाबाले समस्याको समाधान, दुख बेदना हटाउने अक्किल र आशिर्वाद दिएर हटाइदिन्छन् भन्ने विश्वास गरिँदो रहेछ । त्यसैले पिण्डेश्वर महादेव सद्गुरुदेव अर्ध नारिश्वरी अर्चना बाबा भनिनेको पाउमा पर्ने गरिँदो रहेछ ।
