भियनामापनि मनाईयो धुमधामले नयाँ वर्ष
● शिव सापकोटा /भियना, अष्ट्रिया
मध्य युरोपको भियना शहरमा नेपालीहरुले धुमधामले मनाए नयाँ वर्ष । शनिबार साँझ नेपाली सामाजिक तथा साँस्कृतिक समाज अस्ट्रियाका अध्यक्ष धुर्ब पौडेलको अध्यक्षतामा भएको ऊक्त कार्यक्रममा बिभिन्न खालका न्रित्यहरु देखाइयो ।
धेरै समयको अन्तरालमा सांस्क्रितिक कार्यक्रम भएकोले पनि दर्शकहरु खचाखच थिए ।
कार्यक्रमको सन्चालन शिव सापकोटा र रिमा बिष्टले गरे । स्थानिय नेपाली कलाकारहरुको हरुको आकर्षक निर्त्यले दर्शकहरुलाई जुरुक्क जुरुक्क बनाएको देखिन्थ्यो ।
कार्यक्रममा बिभिन्न भेषभुषाका नेपाली पहिरनहरुको संयोजन गरेर नेपालकै झल्को दिईएको थियो ।
अध्यक्ष पौडेलले, एन आर एन अस्ट्रियाका अध्यक्ष प्रभाकर घले, दिपक मल्ल, हरि राणा र अस्ट्रियन नागरिक डा।बेर्नहार्ट फुचेलाई दोसल्ला ओडाएर सम्मान गरे । यो उहाँहरुको नेपाल र नेपालीप्रतिको सह्राहनिय कामको मूल्यांकन र कदर थियो ।
कार्यक्रममा कलाकार जपन राई, मुना गुरुङ, मैना गुरुङ, दिक्षा थापा, श्रेया खड्का, नबिन कार्की, मन्दिर थापा, रिमा बिष्ट र सुरज राईले निर्त्य देखाए । सुजता गन्धी र सुस्मा गुरुङले भने मिठा गीत गाएर रमाइलो बनाए ।
