नयाँ बच्चा जन्मिँदा सामूहिक स्वागत
हात्तीहरूको जिवन अचम्मैको हुन्छ । आफ्नो परिवारमा नयाँ बच्चा जन्मिँदा मानिसले बरु उति साह्रो खुशियाली बाँड्दैनन् । तर हात्तीहरूले भने असाध्यै खुशि बाँड्छन । रमाउँछन । बच्चालाई बाघ, हुँडार वा सिंहले खाइदेला भनेर तिनबाट बचाउन हात्तीको बथानले वरिपरिबाट सुत्केरी पोथी र बच्चालाई घेरेर सुरक्षा दिन्छ । अफ्रिकाको आम्बोलेसी राष्ट्रिय निकुञ्जमा लिएका तस्विरले हात्तीको अनौठो जीवनको व्याख्या गर्छ ।
हुँडार देखेपछि हात्तीले धुलो फ्याँक्ने, छर्किने, कराउने, चिच्याउने गर्छन् । त्यसपछि हुँडार भाग्छन् ।
बडी गार्ड : यि हात्तीले भर्खर जन्मेको बच्चाको सुरक्षा दिएका हुन् । जनावर सुरक्षित रहन की असाध्यै बलियो हुनुपर्यो की त चलाख । आफ्नो सुरक्षा गर्न अक्किल निकाल्नुसक्नुपर्यो ।
पोथीले बच्चा पाउने बेला सुरक्षा दिन, स्याहार गर्न समूहका अरु हात्ती वरिपरि बस्छन ।
हात्तीको बच्चो जन्मिएपछि त्यसलाई झुलुक्क हेर्नपनि हात्तीहरूलाई हतारो हुन्छन् । तिनले चारैतिरबाट झुम्म भएर हेरिहाल्न खोज्छन् ।
बल्ल बच्चाले सुँड अलिकति उठायो । बाँकीले सुरक्षा दिईरहन्छन ।
भर देउ : पहिलो पटक जमिनमा खुट्टा टेकेर उभिन गाह्रै हुन्छ । त्यसैले बच्चाले अरु हात्तीको सुँडमा भर दिएर उभिन खोज्छ ।
पहिलो चुम्बन : उभिनासाथ आमालाई पहिलो चुम्बन दिन्छ बच्चाले !
आफ्नो समूहमा जन्मेको बच्चालाई सुँड ठड्याएर चिच्याउँदै सामुहिकरुपले स्वागत गर्छन् हात्तीहरूले ।
(फोटो- पाओलो तोर्चियो, डेली मेल )