बेल्जियमको ब्रुस्सेल्समा आमा समूहले मनाए धुमधामले तीज
ब्रसेल्सबासी महिलाहरुले गत आइतबार हरितालिका तीज धुमधामका साथ मनाए ।आमा समूह ब्रुस्सेल्स द्वारा आयोजित एस कार्यक्रममा करिब २४० जवानको उपस्थिति रहेको थियो । विभिन्न नयाँ र पुराना तीजको गीतमा कम्मर भाँचेर नाच्ने दिदीबहिनी मात्रै नभएर, दाजुभाइहरुपनि कार्यक्रमको अन्तमा उत्तिकै नाचेका थिए ।
ब्रुस्सेल बासी महिला मात्रै नभएर लुभेन र आन्तेर्वेर्पेनबाट पनि राता सारी र भरिपूर्ण घरगहनाले सजिएर आउने दिदिबहिनीहरुको घुइचो उतिकै थियो । साथमा नेपाली दाजुभाइहरुको भिडपनि कम थिएनन् । तिजको यस्तो रमझममा दिदिबहिनीको चालचलन, नाच र रमाइलोपन हेरेर अफुलाई सात समुन्द्र पारी छौं भन्ने अनुभब गर्ने नेपाली शायद कमै मात्रै थिए होलान ।
कार्यक्रम सन्चालन एसै आमा समूहका महासचिब सरु सिंखडाबाट भएको थियो भने अध्यक्ष संगीता कार्कीले कलशमा दियो बालि उपस्थित महानुभबहरुलाई स्वागत तथा धन्यवाद ज्ञापन गर्नुभएको थियो । र त्यसको लगतै तीजको गीतमा रमाइलो गरि सबै दिदिबहिनीहरु नाच्न सुरु गरिहाले र कार्यक्रमको अन्त्यस्तसम्म नाचिरहे । बीच बीचमा स्थानीय कलाकारहरुको अतिनै मनोमहक प्रस्तुति पनि थियो ।
नेपाली तथा हिन्दु धर्मलम्बि महिलाहरुको पर्व हरितालिका तीज, धार्मिक र परम्परागत मान्यता मात्रै नभएर, नेपाली चेलीहरु एक आपसमा भेटघाट्, दुख सुख बाड्ने र बर्षभरिको पीरमर्का भुलेर रमाइलो गर्ने पर्ब पनि हुदै आएको हमीसबैमा अवगतै छ । तैपनि आज भोलि देख्न थालेको आडम्बरीपन अनि गलत दुरुपयोग र चोरि चाकरी प्रतिभने सम्बन्धित निकाएले समयेमै विचार गरि उचित कदम उठाउनुपर्ने पनि देखिएको छ ।
जे जस्तै भएपनि बिदेशमा हुने एस किसिमको कार्यक्रमले बैदेशिक जिबन बिताइरहेका नेपालीहरुको लागि रमाइलोपन र रमझम मात्रै दिइरहेको छैन बरु साथमा चाड बाडमा सात समुन्द्रपारीको न्यास्रोपन पनी मेटाउने गरेको छ । यतिमात्रै नभएर बिदेशमा जन्मिएका, हुर्कदै आएका नया नेपाली पुस्ताले पनि आफ्नो चालचलन रितिरिवास प्रत्यक्ष रुपमा सिक्ने र देख्ने मौका पनि पाइरहेका छन् ।
तीजको रहर आयो बरीलै ।
तीजको रहर आयो बरीलै