बार्सिलोनामा सबै मख्ख !

● रमेश कँडेल / ब्रुग्गे, बेल्जियम 

एन आर एन यसपाली चौधबुँदे निर्णय गरेर मख्ख

सातवटा दीप प्रज्वलन गरेर आयोजक मख्ख

+++++++++++++++++

पाहुना नेता समयमा सम्बिधान बनाउने भन्दै मख्ख

धनि नेताहरु दोहोरो नागरिकता चाहिने भन्दै मख्ख 

+++++++++++++++++

चितवने नेताहरु छिमेकमा योजना लान पाउँदा मख्ख

बागमतीमा बँगैचा बनाउनेहरु उधारो दान बोलेर मख्ख

+++++++++++++++++

कोहि महिला आश्रयस्थल बनाउने योजनामा मख्ख

कोहि भवन निर्माण,सामुहिक लगानीको गफले मख्ख

+++++++++++++++++

कोहि युरो काँग्रेसलाई मिलाउन पाइयो भन्दै मख्ख

कोहि समुन्द्री किनारमा बियर चियर्स गरेर मख्ख

+++++++++++++++++

वेबसाइट पाँचहजारले हेरेकोमा पत्रकारहरु त्यसै मख्ख

कोहि फ्रिमा चारतारे होटेलको स्वाद लिन पाएकोमा मख्ख

+++++++++++++++++

कोहि नेताहरुसँग कुम जोडेर फोटो खिच्न पाएकोमा मख्ख

खादा ओढ्न पाएकोमा यहाँ-उहाँ सबै मख्ख

+++++++++++++++++

साधारण सदस्य नेताहरुलाई भेलामा पठाएरै मख्ख

पशुपतिको जात्रा सिध्राको ब्यापारले कोहि त्यसै मख्ख

+++++++++++++++++

एन आर एनले सबैलाई मख्खै पार्दै गर्दा ,

‘कागलाई बेल पाक्यो हर्ष न बिस्मात!’ भन्दै हामीहरु पनि मख्ख ।।