सगरमाथा आरोहणका दूर्लभ तस्विर

आरोहण आफैंमा रोमाञ्चक यात्रा । चुनौतिपूर्ण, साहसिक, कौतुहलतापूर्ण, जटिल, खर्चिलो र आनन्ददायीपनि । झन विश्वकै सर्बोच्च शिखर सगरमाथाका बारेमा त यस्त कौतुहलता र चुनौति अनि चाख र चासो कति छन् कति । ति झ्यांगिँदा छन् । आरोहणको संख्या जति बढोस्, अहँ त्यसको सगरमाथाको कौतुहलता घट्दो छैन । र छैन पूर्णपनि । बरु बढ्दो छ । यो बिदेशीकालागि त छ नै, हामी नेपालीकालागिपनि कम छैन । त्यसैले आज मैले सगरमाथा आरोहणका केहि तस्विर राखेको छु । यि सबै तस्विर नेशनल ज्योग्राफीका हुन् । यो तस्विरमा काठमाडौंबाट ल्याइएका आरोहणका उपकरणहरु बोकेर चौंरीहरु माथि उक्लिँदै गरेका हुन् ।

मौसमले साथ दिन थालेपछि सगरमाथाको चुचुरो ताक्दै उक्लिनेहरुको ताँती यस्तै हुन्छ, कमिलाको जस्तो । यसमा करिब एक सय आरोहीहरु छन् ।

मौसम जब उपयुक्त हुन्छ तब ल्होत्से हिमाल चढ्नेहरु दिनमा करिब दुई सय हुन्छन् । ल्होत्से हिमालपनि सगरमाथाकै छेउमा पर्छ ।

सगरमाथाको माथिल्लो आधार शिविरमा घाईते आरोहीलाई उद्दार गरि तल्लो शिविरमा छोडेपछि फेरी बाँकिलाई लिन उड्दै गरेको हेलिकोप्टर ।

आरोहीकालागि जमेको हिउँ फोरेर बाटो बनाउँदै एक शेर्पा ।

सगरमाथामाको चुचुरो पुग्नु अघिनै जमेको हिउँ । यो वर्ष तल्लो आधार शिविरसम्मनै हिउँ जमेको आरोहीहरुले बताएका छन् ।

आइडिन इर्मार्क भनिने बेलायती नागरिक साईकल बोकेर आधार शिविरमाथि उक्लिँदै । यसरि साईकलमा सगरमाथाको चुचुरो वा आधार शिविरसम्म पुग्न निषेध छ । तर पश्चिमेलीहरु यसरि लुकिचोरी जाने गर्छन् ।