कतारको दुतावासमा गगनलाई सुनाए ठगिनेले पीडा
-प्रदीप सुबेदी, कतार
(कांग्रेसका युवा नेता गगन थापा कतारको नेपाली दुतावसमा ठगिनेका कुरा सुन्दै बायाँ र अरु ठगिएका नेपालीहरु) ।
मैले पत्रिकामा पढें कि सुनौलो भबिष्य खोज्न कतार आएका १० नेपालीहरु दुताबासको शरणमा । सरसर्ती नाम पढें–एकजना मेरै गाउँले परेछन । मेरो मनमा उनलाई भेट्ने कौतुहुलता बढेर आयो अनि गत शुक्रबार समय मिलाएर पुगें हाम्रो दुताबासतिर । मानिसहरुको निकै भिड देखिन्थ्यो । सोचें कुनै कार्यक्रम होला ।
तर संजोग त्यहाँ नेपाली काँग्रेसका गगन थापा र शेरबहादुर देउवा आउँदै रहेछन । अनि त एकैछिनमा भिड स्वागततिर लाग्यो । म दाजु भेट्न गएको मान्छे । त्यहि कार्यक्रम हेरें जिल्लिँदै । भिड भित्र पसेपछि बल्ल मैले मेरो गाउँले दाईलाइ भेट्टाएँ । अनि गफ गरियो । एउटा गाउँकै दलालले फसाएको रहेछ । उनि मलाइ रुँदै भन्दै थिए -विमानस्थलमा झरेपछि कम्पनिनै नभएको भिसा बोकेर आएको थाह पाएँ । उनिसँगै त्यहाँ अरु १५ जना थिए । यत्रो ठुलो जमातलाई बिना स्पोन्सरको भिसामा श्रम स्विकृती दिने हाम्रो श्रम मन्त्रलाय कस्तो होला ? हामी गफ गर्दै थियौं गगन दाई आए त्यहाँ ।
कुराकानी गर्द थाह भयो कि दुतावासमा नेपालबाट ठगिँदै आइपुगेका थुप्रै रहेछन । ठगिएका र दुतावासमा शरण लिएर बसेकाले वेदना सुनाउँदै थिए। तिनको अनुहार निन्याउरो थियो ।
म त्यहाँ पुग्दा हाम्रो दुताबास भने झण्डा हल्लाउँदै यसरी हाँसिरहेको थियो ।
जे होस, गगनले निकै चासो देखाएर त्यहाँ सोधखोज गरे ति म्यानपावरहरुको बारेमा । आशा राखौं, सायद गगनले नभुलुन नेपाल पुगेपछि । कतारमा यो नै पहिलो घटना भने होइन । यहाँ यसरी ठगिएर आउनेको संख्या बढिरहेको छ । पत्रपत्रिकाले लेखिरहेकै छन । यहाँ आउने नेताहरुले पनि आश्वाशन बाँडेकै छन । तर कुनै २० को १९ भने भएको कहिल्यै पाईएको छैन । अहिले दाईहरुलाई घर फर्काउने तयारीमा छु । यहाँ मलाई जिज्ञाशा यति मात्रै कि दलालको पन्जाबाट उम्किने दिन कहिले आउला हामी नेपाली युवाहरुको ? के नेताजीहरु र सरकारले सोचेका छन यतातिर ? साँच्चिकै अब लेखिने संबिधानले सुरक्षित गर्ला आम यूवाहरुको हकअधिकार ?
सम्पर्क- [email protected]
(हाल कतारमा कार्यरत प्रदीपको मुल घर म्याग्दी हो) ।