नयाँ संविधानलाई स्वागत गर्दै यूरोपमा दिपावली (फोटो कथा)
- सन्तोष न्यौपाने/ बेल्जियम
संघिय लोकत्रान्त्रिक गणतन्त्र नेपालको संविधान २०७२ लाई स्वागत गर्दै यूरोपमा रहेका नेपालीहरुले दिपावली कार्यक्रम, गरेका छन । बेल्जियम जर्मनी, इटाली, फ्रान्स, स्पेन र पोर्चुगलमा बस्ने नेपालीहरुले सामुहिक रुपमा दिप प्रज्ज्वलन गरेर नेपालको संबिधानलाई स्वागत गरेका छन ।
बेल्जियममा गैह्र आवसीय नेपाली संघ (एन आर एन बेल्जियम), जर्मनीमा नेपाल बिद्यार्थी संघ बर्लिन,जनसम्पर्क समिति स्पेन र पोर्चुगलमा तिन राजनैतिक भात्री संगठनहरु प्रवासी नेपाली मंच, जनप्रगतिशील मंच र जनसम्पर्क समिति मिलेर दिप प्रज्ज्वलन गरेका थिए । कार्यक्रममा धेरै नेपालीहरुको उपस्थित रहेको थियो । त्यस्तै, गैह्र आबासीय नेपाली संघ राष्ट्रिय समन्वय परिषद स्पेनले पनि मुलुकमा नयाँ संबिधान बनेकोमा स्वागत गर्दै आज दिपावली गर्ने कार्यक्रम रहेको जनाएको छ ।
स्विजरल्याण्डमापनि नेपालीले नयाँ संविधानको स्वागत गर्दै कार्यक्रम गरेका थिए ।
(फोटो स्रोत- बिनोद घिमिरे-पोर्चुगल्,उत्तम् घिमिरे-जर्मनी,हिरा थापा-इटाली,चिन्तामणी सापकोटा-स्पेन, एन आर एन बेल्जियम, स्विस नेपाल डटकम ।)
