संयोजकलाई कुट्ने भन्दै हलबाहिर मोर्चाबन्दि
गत जुन ७ र ८ मा एन आर एन युरोपेली भेला त भयो । तर भेला सकिएपछि बल्ल त्यसका असन्तुस्टि, गुनासा र भित्रि पाटाहरु खोतलिँदै छन् । युरोपस्तरिय सम्मेलन सकिएपछि त्यसका बारेमा थप जिज्ञासा, आरोप, शंका र आक्रोस फैलिँदो छ । नेपालप्लसलाइ त्यहाँका बिभिन्न स्रोतले बिभिन्न जानकारि दिईरहेका छन् । आक्रोशित केहि युवाहरुले एन आर एन युरोप संयोजक अर्जुन श्रेष्ठलाई कुट्ने भन्दै हलबाहिर मोर्चाबन्दि गर्दै कुरेर बसेको जानकारिपनि दिएका छन् । त्यसैगरि युरोप समितीले यथार्था जनाकरि दिने भनेपनि भाग्ने र पन्छिने गरेको आरोपपनि सम्मेलन आयोजक समितिकै केहि सदस्यले लगाएका छन् । सम्मेलनमा सिफरिस गरिएको भनिएका ब्यक्तिहरुको सूचीपनि गलत भएको आरोप लागेको छ । केहिले पाएको प्रशंसा पत्रपनि अस्विकार गरिदिएका छन् । आज नेपालप्लसले यसैको बिबेचना गर्ने छ ।
जून ६ का दिन साँझ एन आर एन स्पेन र सम्मेलन सफल पार्न खटिएका अन्य संस्थाका ब्यक्तिहरु आक्रोशित भएर बसेका थिए । साँझ एन आर एन युरोप संयोजक अर्जुन श्रेष्ठ र उपसंयोजक सोम सापकोटा सहित अरु पुगे । एन आर एन सम्मेलनमा के के मुख्य विषयमा छलफल र बहस हुने हो एजेण्डा मागे । अनि भिसाका लागि सिफारिस गरेका ब्यक्तिहरुका बारेमा यथार्थता मागे । नेपालप्लसको समाचारलाई उल्लेख गर्दै सत्य तथ्य बाहिर ल्याउन माग गरे । अर्जुन श्रेष्ठले त्यस्तो नगरेको भनेर जवाफ दिए । त्यसो भए नेपालपलसमा यो सम्मेलनका लागि निम्ता गरेका ब्यक्तिका बारेमा उठाएको प्रश्नको जवाफ दिन, खण्डन सत्य तरिकाले गर्न र सत्यता आफूहरुलाई दिन माग गरे । अर्जुन श्रेष्ठले यहाँ निम्ता गरिएकाहरु नेपाल फिर्ता नगए आफूले जिम्मेवारी लिने बताए । उनले नेपालप्लसले पहिलेपनि एन आर एन का बिरुद्द गलत समाचार लेखेको बताएर पन्छिन खोजेका थिए । उनले नेपालप्लसले सधैं गलत लेख्ने गरेको, पहिलेपनि आफुलाई मानव तस्करी गरेको भन्ने गलत लेखेको भन्दै आफ्ना पक्षमा जनमत बनाउन खोजेका थिए । तर उनले त्यसो भन्नासाथ एन आर एन स्पेनका सल्लाहकार गोपाल रेग्मी, सम्मेलन आयोजना गर्नेमा सहभागि इश्वर नास्तिक शर्मा, महेश कँडेल, रमेश पौडेल, विशाल ढुंगाना लगायतले प्रतिबाद गरेका थिए ।
सम्मेलनका क्रममा हुने गतिबिधी, निम्ता, भिसा सिफारिस र सबै खर्चको हिसाव किताब पारदर्शी गर्न कड्केर जवाफ मागेपछि अर्जुन श्रेष्ठ हच्किएका थिए । त्यसपछि उनीहरुले त्यसको सबै हिसाव किताब स्पष्ठसित दिने बताएका थिए । केहि बेरपछि नेपालप्लसलाई सूचना दिएको भन्दै आक्रोशित भएपछि अर्जुन श्रेष्ठ हलभित्र सम्मेलनको तयारिका लागि छलफलमा पसेका थिए । आफूहरुले रातदिन खटेर सम्मेलन सफल पार्न लाग्दापनि उल्टो आरोप लगाउने, सत्य तथ्य माग्दा आरोप नदिने र हेप्ने काम गरेको भन्दै केहि युवाहरु आक्रोशित भए । उनलाई हल बाहिर निस्किए राम धुलाई गर्ने भन्दै हल बाहिर मोर्चाबन्दि गरेका थिए । त्यहि आक्रोश देखेपछि सोम सापकोटासहितको पहलमा सबै सार्वजनिक गर्ने भनेर तिनलाई संझाउँदै थामथुम पारिएको थियो ।
संयोजकले बोलेको झुठ
बेल्जियममा भएको एसेन्टा ब्यापारिक मेलामा धेरै नेपालीसित १० लाख भन्दा बढि भिसाको दाम लिएर बेल्जियम छिराइएको थियो । त्यहि बेला अर्जुन श्रेष्ठमाथि मानव तस्करी गरेको आरोप लागाइयो । त्यो मुद्दालाई नेपालप्लसले गम्भिरताका साथ उठएको थियो । अर्जुन श्रेष्ठसित नेपालप्लसले अन्तर्वार्तानै लिएको थियो । उनले आफ्नो अन्तर्वार्तामा त्यस आरोपको चित्तबुझदो जवाफ दिनुभन्दा पन्छिने र आफ्नै बखान छाँट्ने तरिकाले दिएका थिए । उनको अन्तर्वार्ता यहाँ क्लिक गरेर हेर्नुस् । उनीमाथि लागेका आरोप यहाँ यहाँ र यहाँ गएर हेर्नुस् । उनीमाथि मानव ओसारपसार गरेको आरोप त्यो बेला जनआस्था साप्ताहिक र साँघुलेपनि लगाएका थिए । एसेन्टा मेला आयोजक समितिकै सदस्य ओम शर्मालेपनि सत्य तथ्य बाहिर ल्याउन छानबिन गर्ने बताएका थिए । उनको अडियो सहितको रिपोर्ट यहाँ क्लिक गरेर सुन्नुस् ।
त्यो बेला उनले बिज्ञप्ती निकालेपनि सबैले पाउनेगरि सार्वजनिक गरेनन् । केहि ब्यक्तिका ईमेलमा पठाएर सिमित राखे । अर्थत् त्यसलाई उनले राम्रोसित प्रचारप्रसार गराउन चाहेनन् । नेपालप्लसलाईपनि पठाएनन् । तर एन आर एन सम्मेलनमा भने ‘आफुले बक्तब्य पठाएरपनि ददि सापकोटाले नेपालप्लसमा छापिदिएन’ भन्ने झुठ बोले । त्यति बेला एसेन्टा मेलामा भएको मानव ओसारपसारको छानबिन गरि सत्य तथ्य बाहिर ल्याउने भनेपनि उनले त्यो बाहिर ल्याउन सकेका छैनन् र ओम शर्मालेपनि त्यसलाई छानबिन गरेर बाहिर सार्वजनिक गर्न सकेका छैनन् । मेडियामा लागेको आरोपकोपनि उनले आजसम्म भरपर्दो तरिकाले प्रतिबाद गर्न सकेका छैनन् ।
हमलाका योजनाकार
जनजाति महासंघको कार्यक्रममा नेपालप्लसका मुख्य सञ्चालक म बेल्जियम गएका बेला नेपालप्लसमा निस्किएका समाचारका विषयमा गुनासो रहेकाले सौहार्दपूर्ण वातावरणमा छलफल गरौं न भन्ने प्रस्ताव राख्न पुगेका उनी साँझ हमला गर्ने रणनिति बनाउनेमा थिए । महिलाहरुले अग्र मोर्चामा बसेर बिबाद गर्ने, मलाई घेर्ने र कुट्ने गर्दा सजिलो हुन्छ भन्दै त्यो योजनामा सहमती माग्दै हिँडेका थिए । उनको उक्साहटमा अनुजा प्रधान, अनिता तामाङ र जानकी गुरुङ लगायतले हमलाको प्रयास गरेका थिए । पछि अनिता तामाङ र अनुजा प्रधानले अर्जुन श्रेष्ठ र अर्का योजनाकार भनिएका गंगाधर गौतम, युवराज गुरुङसित ‘हामीलाई हमला गर्न उचालेर तपाईहरु चाहिँ बच्ने ? हाम्रो बेइज्जति गराउने’ भन्दै बिबाद गरेका थिए । अर्जुन श्रेष्ठले ‘यस्तो लेख्छ, यसलाई कारवाही गर्नुपर्छ, ल सहमती गरौं’ भन्दै सहमती खोज्दै हिँडेका थिए । एन आर एन बेल्जियमबाटै लिखित सहमती गरौने प्रयास गरेका थिए । त्यसैले नेपालीले नेपालीका लागि’ भन्ने नारा लिएर एन आर एनको संस्थागत जिम्मेवारीमा बसेका उनी मेडियाबिरोधी, हमलाकार, गुण्डा परिचालक, गुण्डागर्दीका संरक्षक र एन आर एनलाई बदनाम गराउने पात्र हुन् । नेपालीको हित भन्ने मुकुण्डो भिरेर नेपालीलानै कुटपिटमा उतार्न खोज्ने ब्यक्ति हुन् उनी । एन आर एन युरोपेली सम्मेलनमापनि धेरैले उनमाथि मान्छे ओसार्ने चर्चा गरिरहेका थिए । एन आर एन अभियन्तामाथि यत्रो आरोप लाग्दा, नेपालीमाथिनै हमलाको प्रयास गर्दापनि सिंगो एन आर एन अहिलेसम्म मुकदर्शक बनिरहेको छ ।
प्रशंसा पत्रनै अस्विकार
एन आर एन सम्मेलनमा दुख गरेका ब्यक्तिहरुलाई मानमर्दन गरेको तर कामै नगरेको ब्यक्तिलाई प्रशंसा गरेको भन्दै प्रशंसा पत्र बहिस्कार गरिदिएका छन् । त्यसरि अस्विकार गर्नेमा दिपा गुरुङ थिईन् । उनले “मलाई प्रशंसा पत्र प्रदान गरिएको रहेछ । महिला फोरमका सक्रिय कार्यकर्तालाई प्रशंसा पत्र नदिएको भन्ने सुनिएको छ । काम गर्नेको नामनिशान छैन, काम नगर्नेलाई प्रशंसा पत्र । यस्तो प्रव्रित्ति कहिलेसम्म रहने हो ? कार्यक्रममा खटिएर काम गर्नेको सहि मूल्यांकन समितिले किन गरेन ? मैले कुनै योगदान गर्न नपाएकाले त्यो लिनु मेरो नैतिकताले दिन्न” भन्दै सामाजिक सञ्जालमा लेखेकि छन् ।
हिसाब किताब नदिई भागे
एन आर एन सम्मेलन आयोजक स्पेनका सदस्य मध्ये एक ईश्वर शर्माका अनुसार एन आर एन सम्मेलन सकिएपछि ८ जुनमा सम्मेलनको यथार्थता बारे सार्वजनिक गर्न र जानकारि दिन बैठक बस्ने निधो जुन छ को राति दुई बजे गरिएको थियो । तर सम्मेलन सकिएपछि भने त्यसलाई बेवास्ता गर्दै आफूहरुलाई गुमराहमा राखेर भागेको शर्माले आरोप लगाएका छन् ।
आआफ्ना मान्छे भित्र्याएको आरोप
नेपालप्लस स्रोतका अनुसार देखाउनकालागि एन आर एनको सिफारिसमा आएका यि यि मानिस हुन् भनिएपनि त्यसबाहिरका मानिसपनि भित्रिएका छन् । त्यस्ता मानिसहरुको नाम खोलिएको छैन । कोहि कार्यक्रममा सरोकार नभएका आए त कोहि त्यसैका नाममा आएका मानिसपनि कार्यक्रममा छिरेनन् । एन आर एन स्पेनका उपाध्यक्ष निरज कुमार पोख्रेलका भाई निर्मल कुमार पोख्रेललाई त्यसैगरि भिसाको लागि सिफारिस गरिएको थियो । एन आर एन सम्मेलनमा भाग लिन भनेर भिसा सिफारिस गरिएका उनी सम्मेलनमै उपस्थित नभएको स्रोतले उल्लेख गर्यो । उनका बारेमा एन आर एन स्पेनका सल्लाहकार गोपाल रेग्मीले स्पष्ठिकरण मागेका थिए । रेग्मीले स्पष्ठिकरण माग्दा दुबाईमा ब्यापार गर्ने निर्मल कुमार पोख्रेललाई आफूले बोलाएको तर उनी फर्केर जाने निरज कुमार पोख्रेलले बताएको नेपालप्लसलाई स्रोतले जानकारि दियो । उनीहरु एन आर एन स्पेनको संस्थागत गरिमालाई दुरुपयोग गरेको भन्दै आक्रोशित भएका छन् ।
सम्मेलनमा भिसा सिफारिस गरिएकाहरुका बारेमा स्पष्ठ जानकारि नदिएको, लुकाएको भन्दै एन आर एन स्पेनकै प्रतिनिधीहरुले प्रतिक्रियाहरु दिइरहेका छन् । “हल्लै हल्लाका बिच शुरुदेखि अन्तसम्म फोस्रा बोलिमा सिमित राखी कार्यक्रममा जिम्मेबारी पाएकालाई समेत प्रस्ट जानकारी नगराउनु । बारम्बार जिम्मेबार पक्षसँग प्रस्ट डाटा सहित स्पेन भित्रिएकाहरुको जानाकारी माग्दा नदिनु र प्रसंग बिनाका मान्छे स्पेन भित्रिनुलाई नकारात्मक उपलब्धिका रुपमा लिन सकिन्छ” रेग्मीको भनाई छ ।
प्रमुख अतिथि भन्दा विशेष अतिथि ठूलो ?
सम्मेलनमा डा हेमराज शर्माको युरोपेली सम्मेलन घोषणा टोली थियो । त्यस टोलीले तयार पारेको घोषणा पत्रमा प्रमुख अतिथि भन्दा विशेष अतिथिलाई ठूलो बनाएको भन्दै बिरोध एन आर एन स्पेनका सल्लाहकार गोपाल रेग्मीले गरेका छन् । उनले एन आर एनमा राजनितिलाई अलग राख्ने भनेपनि डा शर्मालेनै राजनिति गरेको आरोप लगाएका छन् । “एक दिन अघि त्यहि सम्मलेन चलिरहँदा बिधानमा बिवादित विषय मिलाउने समितिका संयोजक समेत रहेका उनि भन्दै थिए ‘राजनितीबाट एन आर एन लाई मुक्त बनाउने ।’ सबैभन्दा अगाडी बढेर उनैले राजनीति गरे । एन आर एन ले राजनीति गर्यो ।” गोपाल रेग्मीले उठाएका विषयमा रमेश आसिक शर्मा, जगन्नाथ सिलवाल लगायत धेरैले समर्थन् जनाउँदै सम्मेलनका क्रियाकलाप पारदर्शी नभएको भनेर आरोप लगाएका छन् ।
एसेन्टा मेलामा कसरि पैसा भिसा सिफारिस गरियो तलका लिंक हेर्नुस्
अन्तर्राष्ट्रिय मेलामा आएका नेपाली बिमानस्थलबाटै फरार
एसेन्टा मेलामा गरिएको मानव तस्करीको थप भण्डाफोर (अडियो सहित)
