बलात्कारी जिवजन्तुका अनेक खाले अक्किल
● ददि सापकोटा
महिलाहरु किन बलात्क्रित हुन्छन् ? एक्लामाथि धेरैले जाइलागेर । शारिरिकरुपमै आफु कमजोर भएर । निशस्त्रलाई सशस्त्रले जाइ लागेर । अथवा वालवालिका भए फकाएर । जतिसुकै बलियो, कुशल र सशस्त्र भएपनि दश जनाले आक्रमण गरे भने एक्लो सैनिकको केहि लाग्छ र ? त्यसैले यस्तो परिस्थितिमा महिलाहरुसँग शरिर सुम्पनुबाहेक अर्को बिकल्प हुँदैन । मानव जिवनमा हुने यस्तो घटना जिवजन्तुमा हुन्छ कि हुदैन होला ? अवस्यै । तर अलि फरक ढंगले ।
लामो समयसम्म यौनानन्द लिनकालागि पोथीसँग बस्छन धेरै जिवजन्तुका भालेहरु । यस्ता भालेहरुले आफ्नो बंशपनि धेरै फैलाउँछन । तर यसरी पोथीहरुलाइ दिर्घकालसम्मकालागि अँगालेर बस्ने मौका सबै भालेहरुले पाउँदैनन । कतिपय भालेहरु यस्तो झमेलामा पर्न चाहँदैनन त कतिपय भालेहरु नामर्द हुनाले चाहेरपनि यस्तो मौका पाउँदैनन । कतिपय भाले शरिर हेर्दै मरन्च्याँसे र लोसे देखिन्छन । पोथीलाइ जोगाउनुको साटो अरु भाले देख्नासाथ आफैं दश कोश परैबाट बुर्कुसी मारेर भाग्छन । यस्ता छेरुवाहरुसँग पोथीलाई दिन सक्ने केहि हुँदैन । त्यसैले यिनले पोथीहरुलाई सुरक्षित राख्छन् भनेर आस्वस्त पार्नै सक्दैनन । आनन्द लिने र आफ्नो बंश जोगाउने यस्ता भालेहरुको उपाय लुकी चोरी र बलात्कारबाहेक अर्को हुँदैन ।
प्रकृतीमा यस्ता जिवहरु धेरै छन । माछा , कछुवा , चरा, चमेरा, बाँदर, गाइ, बाखा लगायत थुप्रै किराहरुमा बलात्कार हुने गर्छ । लिटल ब्राउन भनिने चमेराका भालेहरुले शित निद्रामै रहेका पोथीहरुलाई समेत बलात्कार गर्छन । यो चमेराका भालेहरु पोथीहरुलाई बलात्कार गर्न तिनका वासस्थान खोज्दै हिँड्छन । मानिसहरुमा झैं जिवजन्तुमा पनि एउटा समानता के छ भने प्राय सजिलैसित संभोगको मौका नपाएका र पोथीहरुद्वारा नपत्याईएकाहरुले गर्छन बलात्कार । तर केहि चरामा भने ठ्याक्कै उल्टो हुने गर्छ । मध्य र पूर्वी अफ्रीकामा पाइने ह्वाइट फ्रन्टेड बी ईटर भन्ने चराहरुमा विवाहित भालेहरुलेनै बढि बलात्कार गर्छन । यी चरा प्राय दिर्घकालको जोडी बनेर बस्छन । तर पोथी गुँडबाट एक्लै बाहिर निस्किई भने तुरुन्तै बलात्कृत हुन्छे । कहिलेकाहीँ त एउटै पोथीलाई दर्जन भालेले लखेट्छन । भूईँसम्म ओराल्न सकेभने सबै भाले पोथीमाथि चढ्छन । अचम्म त के छ भने प्राय ठिँगा (Bachelor) भालेहरुनै निर्दोष हुन्छन किनकी यिनले मौकै पाएका हुदैनन । बलात्कार गर्ने भालेहरु झण्डै सबैजसो पोथी अँगालेका हुन्छन । बाहिर एक्लि पोथी देख्नासाथ यिनले आफ्नी पोथीलाई गुँडमा छोडेर बाहिर निस्किएकी पोथीमाथि दागा धर्छन ।
लेसर स्नो गूज भन्ने अर्को चरा हुन्छ । यो ठूलो समुहमा बस्छ । भालेले वरिपरी गुँडमा बसेका पोथीहरुलाई जबर्जस्ति गर्छ । केहिबेरमात्रै एक्लो हुँदापनि छिमेकको भालेले बलात्कारको प्रयास गरिहाल्छ । पोथी एक्लि हुने कारणपनि के हो भने उसको पती अर्को पोथीलाई बलात्कार गर्न दौडिरहेको हुन्छ । कुनै कुनै समूहमा त हरेक पोथी प्रत्येक पाँच दिनमा एक पटक बलात्कृत हुन्छन । यति धेरै पटक बलात्कृत हुँदापनि ह्वाइट फ्रन्टेड बीइटरमा एक प्रतिशत बचेरामात्रै बलात्कारका कारण जन्मिन्छन । लेसर स्नो गूजमा चाहिँ पाँच प्रतिशत ।
जिवजन्तुमा बलात्कारको प्रयास आफ्नै जातीमा मात्रै हुने गर्दैन । गाउँ घरमा हामीले गोरुले भैंसीलाई, कहिलेकाहिं कुखुराको भालेले हाँसलाइ समेत बलात्कार गरेको देख्छौं । कहिलेकाहिँ चाहिँ एउटै गाईलाई दशौं वटा बहर र गोरुले लखेटिरहेका हुन्छन । गाईलाई थकाएर तिनले पालैपालो बलात्कार गर्छन । कतिपय जातिका भालेहरुले बलात्कारका क्रममा पोथीको हत्या नै गर्छन । माउन्टेन सिप भनिने हिमाली भेडा यस्तै जिव हुन । ऋतुकालका बेला पोथीलाई थुप्रै भालेहरुले हिमालका चट्टानचट्टानै लखेट्छन । पीडित पोथी भाग्नै नसक्नेगरि नथाकेसम्म लखेटिइरहन्छे । निलसर (मालार्ड डक्स) चराका भालेहरुले त्यसै गर्छन् । एक्ली वा बचेरा सहितकी पोथीलाई सताउने, थकाउने र बचेरासित भए छुट्याएर लखेट्छन् । पोथी उडी भने केहि भालेले आकाशमै पछ्याउँछन् । छेकाटे काटीकाटी भुइँमा ओराल्ने प्रयत्न गर्छन् । पूर्णरुपमा थकित यस्ता पोथीमाथि थुप्रै भालेहरु चढ्छन । एउटाले बलात्कार गर्दा अर्को भालेले थिचिदिने र मेसो मिलाइदिने समेत गर्छन् । यसरि पालै पालो बलात्कार गर्छन् ।
हिमाली भेडाका भालेहरु धेरै हुनाले पोथी ओगट्न झगडा गरिरहन्छन एक अर्कामा । तर पोथीहरुसँग सँभोग गर्ने मौका भने बिरलै मिल्छ किनकी एउटा भाले पोथीमाथि उक्लनासाथ अर्कोले दाँत र सिङले हानेर गल्हत्याइहाल्छ । यो प्रकृया घण्टौं सम्म जान सक्छ । यसरी थकित भएका पोथीलाई भालेले हिर्काउँछन उठाउनकालागि । यसो गर्दागर्दै कहिलेकाहिँ त पोथीनै मर्छे ।
लुईँचे लगायत धेरै चराका पोथीले समुहको सर्वाधिक बलियो,स्वस्थ, सुन्दर र खाइलाग्दो भाले रुचाउँछन । त्यसैले बलिया भालेले वरिपरिका थुप्रै पोथी ओगटेर राखेका हुन्छन । तर यो जातिमा कमजोर मानिएका भालेहरुसमेत पोथीभन्दा झण्डै दोब्बर ठुला हुनाले पोथीको मुली भाले नभएको मौका पारेर बलात्कार गरिदिन्छन । चरा जातीमा हाँसहरु त झन माहिर नै मानिन्छन बलात्कारकालागि । हरेक वसन्तकालमा निलसर हाँस (मालार्ड) हरुले यसैगरि पोथीलाई बलात्कार गर्छन ।
हरेक वर्ष करिब मार्च महिना लागेपछि निल सर पोथीहरु फुल कोरल्न जान्छन् । त्यो बेला भालेहरुको समूह बन्छ । कुनै कुनै पोथी बैलापनि हुन्छन् । अथवा फुल पार्ने उमेर नपुगेका । ति एकाध पोथीहरुलाइ दर्जनौं भालेले लघार्छन् । कहिलेकाहिँ दर्जनौं भालेले बलात्कार गर्छन् । यस्ता एक्ला पोथी भालेसित बच्न खोज्दाखोज्दै राम्रोसित चर्न पनि पाउँदैनन् । पोथीकालागि भालेको घमाशान युद्द हुन्छ । कतिपय भालेले संभोग गर्ने मौका नपाएपनि वरिपरिबाट पोथीलाई घेरेर राख्छन् । केहि भालेको दाउ भालेको घेरा तोडाएर अन्यत्रै लैजाने र मौका छोपेर बलात्कार गर्ने हुन्छ । यो चरामा संभोग गर्न नपाएर आत्तिएका भालेहरुमा बलियाले कमजोर भालेलाई न्याँकेर संभोग गर्न खोज्छन् ।
अप्रिलको अन्त्यतिरबाट बचेरा कोरल्छन् निलसर चराका पोथीहरुले । पोथीहरु ओथारो बसुन्जेल खरिएर बसेका भालेहरुले जब पोथीहरुलाई बचेरासित देख्छन् तब जाइलागिहाल्छन् । बचेराबाट छुट्याएर संभोग गर्न खोज्छन् । नटेर्ने पोथीलाई भुतल्ने, जबर्जस्ति अँचेटेर, ठूँगेर बचेराबाट टाढा लैजाने र संभोगको कोसिस गर्छन् । कहिलेकाहिँ एउटा पोथीलाई केहि भाले मिलेर छुट्ट्याउन खोज्छन् र पालै पालो संभोग गर्छन् । संभोगको तिर्खाले आत्तिएका यस्ता भालेले बचेराहरुनै मारिदिन्छन् । किनभने यदि पोथीका सबै बचेरा मारिदिने हो भने पोथीले आफ्नो शक्ति, मेहनत र हर्मोन बचेराको हेरचाहमा खर्च गर्नु नपर्ने हुँदा त्यस्ता पोथी छिटो संभोगको लागि तयार हुन्छन् भन्ने भालेहरुलाई राम्रो ज्ञान हुन्छ । जिवजन्तुले पोथीलाइ बलात्कार गर्ने यस्ता अनेकौं अक्किल अपनाउँछन् ।
हाँसलाई बलात्कारगर्न यिनको लिंगलेनै प्रेरित गर्छ । भालेहरुको लिंग बोत्तलको मुखटाल्ने काठको बिर्को झिक्ने इस्क्रु (corkscrew) अर्थात झ्याल ढोका प्वालपार्ने ड्रीलर जस्तो घुम्रीएको हुन्छ । अर्जेन्टेनीयन लेक डक भनिने हाँसको लिंग त झन उसको शरिर भन्दापनि लामो हुन्छ । ४२ सेन्टिमिटर लामो उसको लिंग सम्पूर्ण चराजातिमै सर्वाधिक लामो हो । उसको लिंग जमिन नाप्ने फिता जसरि बेरिएर बस्छ । संभोगकाबेला त्यो लिंग फिताझै फुत्किदै आउँछ । हुनत भालेका यस्ता लामा लिँगले योनीभित्र छोड्ने विर्य भित्र पस्न नदिई बाहिरैबाट फालिदिने र बलात्कार रोक्ने पोथीहरुकापनि बिभिन्न उपाय र चलाखी छन ।
(यो लेख बेलायतबाट प्रकाशित हुने मे महिनाको सत्य तथ्य मासिकमापनि पढ्न सकिन्छ)
