गजल
-नेपोलियन मरहट्टा
घुम्टो खोली देखायो की ? चाँदनीले रातभरी,
हेर्यो होला टोलाएर आँगनीले रातभरी ।
°°°°°°°°°°°°°°°°°°°°°°°°°°°°°
म त कोठा भित्र थिएँ, बाहिर जून टहटह,
बोलायो की ? झ्यालबाट रोशनीले रातभरी ।
°°°°°°°°°°°°°°°°°°°°°°°°°°°°°
तर मैले केही सुनिन, सुने पनि को उठ्थ्यो र ?
आफुलाई त गाँजेकोथ्यो सपनीले रातभरी ।
°°°°°°°°°°°°°°°°°°°°°°°°°°°°°
कतिखेर आयो जून ? अत्तो पत्तो छैन मलाई,
मेरो आँखा खोल्दिएन मोहनीले रातभरी ।
°°°°°°°°°°°°°°°°°°°°°°°°°°°°°
अबेला पो ब्युँझिएछु, अनि हेरेँ झ्यालबाट,
पर्खिएको रैछ मलाई बिहानीले रातभरी ।
