भारतीय आडमा डरलाग्दो षडयन्त्र गर्दै मधेशी दल

हाम्रा प्रमुख तिन दल नमिलेको मौका पारेर मधेशी दलहरूले ठूलो षडयन्त्रको तयारी गरेका छन् । यदि माओवादीले मधेशी मोर्चाको यो षडयन्त्र बुझेर चिर्न सकेन, माओवादी नेपाली कांग्रेस र एमाले यी मुख्य तिन प्रजातान्त्रिक दल मिलेनन् र सत्ताको लागि मरिमेटेर लागिरहे भने त्यो नेपालका लागि ठूलो दूर्भाग्य हो । किनभने भारतीय षडयन्त्र र निर्देशनमा नेपाललाई टुक्र्याउने योजनामा मधेशी दलहरू लागिपरेका छन् । मधेशी दलको उच्च नेत्रित्व र माओवादी उच्च स्रोतलाई उल्लेख गर्दै नेपालप्लसका एक सहयोगी पत्रकारले दिएको जानकारी अनुसार एकाएक अहिले केही मधेशी दलहरू प्रचण्डको नेत्रित्वमा महत्वपूर्ण मन्त्रालय ओगटेर सरकारमा जाने तयारी गरेका छन् । आफ्ना मागहरूलाई सम्बोधन गर्ने पार्टीलाई समर्थन गर्ने बताउँदै आएका मधेशी दलहरूले एकाएक त्यस्तो कसरत थालेका हुन् ।

मधेशी दलका केही नेताले अहिले त्यसका लागि उनीहरूले भारतसित अनुमति मागिरहेका छन् । भारतीय निर्देशनमा चल्ने ती मधेशी दलहरूले भारतीयसित आफूहरू शक्तिशाली हुनेगरि सरकारमा जान सकिने मौका रहेको भन्दै भारतीय नेताहरूसित स्विक्रिती मागेका हुन् । उनीहरूले अहिले माओवादीसित मिलेर संयुक्त सरकार बनाउन सकिने र आफू सरकारमा गए आफ्ना माग पुरा गराउन सकिने भन्दै भारतीय समर्थन जुटाउन खोजेका छन् । उनीहरूले बाहिरबाट माग तेर्स्याउनु भन्दा सरकारमै गएर समग्र मधेश एक प्रदेश, मधेशलाई आत्म निर्णयको अधिकार, नेपाली सेनामा मधेशीहरुको समूहगत प्रवेश लगायतका मागहरू पूरा गर्न सकिने तर्क गरेका छन् ।

कुनैपनि हालतमा माओवादीलाई सरकारमा जान दिन नहुने अडानमा भारतीयहरू भएकोले यदि अहिले माओवादीसित मिलेर सरकारमा गए मधेशीहरुले मागेका महत्वपूर्ण मन्त्रालय र शक्ति हात पार्न सकिने अवस्था रहेको तर्क भारतीयहरुसित गरेका छन् । आफ्नो समर्थन बिना माओवादीले जित्न नसक्ने हुँदा अहिले माओवादीलाई झुकाएर लान सकिने र सरकारमै बसेर आफूले उठाउँदै आएका माग पुरा गराउन सकिने भन्दै माओवादीसित मिलेर सरकार बनाउनु अहिले उपयुक्त अवसर भएको जिकिर गरेका हुन् ।

आफ्नो समर्थनमा सरकार बनेपछि यदि एनेकपा माओवादी अध्यक्ष प्रचण्डले आफ्ना मागहरू पुरा गराउन आनाकानी गरे तुरुन्तै आफुले दिएको समर्थन फिर्ता लिएर सरकार कुनैपनि बेला गिराइदिन सकिने तर्क पनि मधेशी मोर्चासम्बद्द दलहरूको छ । त्यसैका लागि मधेशी दलहरूले भारतसित आग्रह गरिसकेको र भारतीय समर्थन पर्खेर बसिरहेका छन् ।

मधेशवादी ती दलहरू मध्येपनि दुइ दलले भने माओवादीलाई समर्थन गर्न नचाहेको बताइन्छ । ती कुन कुन दल हुन् भन्ने स्पष्ट त छैन तर तराई मधेश लोकतान्त्रिक पार्टी र मधेशी जनअधिकार फोरम हुन सक्ने अड्कल काटिएको छ । तरपनि भारतीय संकेत मिलेमा भने ती दलले पनि समर्थन गर्ने बताइन्छ ।