के को गर्नु विकास ?
-भिमराज पाराङ
के को गर्नु विकास यहाँ, सत्ता भित्र लुक्नेले !
कुकरले भाग ढुकेझैं, कुर्ची मात्रै ढुक्नेले !!
°°°°°°°°°°°°°°°°°°°°°°°°°
यो मेरो त्यो नी ! मेरो, भ्याए जती सबै मेरो
आफ्नै मात्रै दुना सोझाई आफ्नो भुँडी फुक्नेले !
°°°°°°°°°°°°°°°°°°°°°°°°°
आज तँसंग भोली मसंग जस्ले दिन्छ उसैसँग
त्यही थालमा खाईवरी, त्यही थालमा थुक्नेले !
°°°°°°°°°°°°°°°°°°°°°°°°°
लाज सरम् पचे पछि के को सरम्-धरम् यहाँ
नाफा देखे आफ्नो इमान् बेच्न पनि नचुक्नेले !
°°°°°°°°°°°°°°°°°°°°°°°°°
देखायौ आफ्नो रंग, छाटी मीठा-मीठा भाषण
सबलाई थाह भैसकेछ, टोक्दैनन् धेरै भुक्नेले !!
