गजल

-प्रकाश सापकोटा

आफूखुसी दिमागमा भ्रमको बीउ छर्न थाल्यौ

हुँदा हुँदा भेटे पनि नचिने झैं गर्न थाल्यौ

 °°°°°°°°°°°°°°°°°°°°°°°°°°°°°

समातेर थुनी राख्ने चीज हैन रैछ माया

घाम डुब्नु अगाडि नै ओझेलमा पर्न थाल्यौ

°°°°°°°°°°°°°°°°°°°°°°°°°°°°° 

तिम्रो दोष होइन पनि भनूँ मैले कसो गरि

मगजमा नानाथरि कुरा त्यसै भर्न थाल्यौ

 °°°°°°°°°°°°°°°°°°°°°°°°°°°°°

पहिले त हराए ‘नि तिमि सितै हराउँथेँ

अहिले पो टाढिएर मेरो नीद हर्न थाल्यौ

°°°°°°°°°°°°°°°°°°°°°°°°°°°°° 

तान्दै-तान्दै समीपमा ल्याउने चेष्टा गर्छु आफू

हिजो भन्दा आज बढी पर-पर सर्न थाल्यौ