एमाले (व्यंग्य)
–प्रदीप स्री
जिउ छिर्यो पुच्छर अड्क्यो, रोकियो नी! चाल मेरो
रुन गाह्रो हाँस्न साह्रो, के लेखौ खै ! बेहाल मेरो
यता सोच्यो उता सोच्यो, जतापनि घाटै लाग्छ
आयो आयो हुन्छ सधैँ, फुत्किएर कता भाग्छ
यूथ फोर्स खोलेपनि, थर रर् र कोही भएनन
चिल्ला गाडी अरु चढ्छन, मेरा दिन आका छैनन
सबको पेट भरिने भो, खाली थाल चाहिँ मेरो
रुन गाह्रो हाँस्न साह्रो, के लेखौ खै ! बेहाल मेरो
कांग्रेसतिर गाको भए, मिल्थ्यो कि त टुक्राटुक्री
फोरम र माओवादीले, सुन्न छाडे मेरो घुर्की
रुँदापनि नहुने खै !, नहुने भो चिच्याउँदा नी !
धोकामाथि धोका थुप्री, बित्नेभयो मेरो जुनी
मओवादी-फोरम मिली, काट्न थाले जाल मेरो
रुन गाह्रो हाँस्न साह्रो, के लेखौ खै ! बेहाल मेरो
ज्या-६, म्याग्दी,
हाल- डुटेस्ट (कतार)
(बिदेशमा भएकोले यो वर्ष गाइजात्रा मनाउन पाइएन । त्यसैले ढिलै भएपनि एमालेलाई नेपालप्लस मार्फत यो कोसेली-प्रदीप)।
(सूचना-अन्य वेभ साइट, ब्लग वा पत्रपत्रिकामा प्रकाशित भइसकेका कविता स्रोत उल्लेख नगरि पठाउनु, झुक्क्याएर बिभिन्न ठाउँमा प्रकाशित गराउन खोज्नु र स्पष्ठ नपारिकन एउटै रचना बिभिन्न ठाउँमा पठाउनु लेखकिय मान्यता बिरुद हो । नेपालप्लसकालागि त्यस्ता रचना मान्य छैनन । जानाजानी त्यसरि पठाउनेहरुको रचना त के पाठक प्रतिक्रियामापनि बन्देज गरिनेछ । नयाँ, छोटा र समय सान्दर्भिक लेख, रचना र कविताहरुका लागि स्वागत छ । लेखकको तस्बिर र ठेगाना खुल्ने रचनालाई प्राथमिकता दिइनेछ । सन्दर्भ पुरानो नहुने खालका रचना प्रकाशित हुन दुइ हप्तासम्म लाग्न सक्छ-नेपालप्लस) ।