ओलाला ! से कम ल नेपाल !!
हिजो फ्रान्सको राजधानी पेरिसमा नेपाल पर्व मनाइयो । पर्वले झलक्क हेर्दा नेपालको पाटन दरबारमार्ग वा भक्तपुरको कतै चोकतिर पुगेको झल्को दिन्थ्यो । फ्रान्सेलीहरु “ओलाला से कम ले नेपाल (आम्मामा यो त जस्तै रैछ)” भन्दै थिए। काठमाडौंको स्वयम्भूनाथमा झैं सजिएका ध्वजा फर्फराइरहेका थिए । हाम्रा गुम्बा र मन्दिरमा घण्ट बजिरहेका थिए । नेपाली धुनले नेपालका मन्दिरको बिहानीको झल्को दिइरहेको थियो । नेपाली सेल, मम, लड्डु, रसवरी, दाल भात तरकारी फ्रान्सेलीले जिब्रो फड्कारी फड्कारी खाइरहेका थिए । काठमाडौंका गल्लीको कतै स्थानिय रेस्टुरेन्टमा पसेर नास्ता गरे झैं बनाएको थियो सेकुवाले । नेपाली हस्तकलाका सामानका स्टल प्रशस्त थिए । 
नेपाली स्टलमा भाद गाउँले टोपीसहित मुसुक्क मुस्काउँदै आगन्तुकको स्वागतमा एक फ्रान्सेली महिला ।
स्टलमा नेपाली चिया बेच्दै फ्रान्सेली ।
नेपालका प्रख्यात कलाकार श्यामलाल श्रेष्ठ आफ्ना कलाहरु देखाउँदै । उनलेपनि आफ्ना कलाहरुको स्टल राखेका थिए ।
मेलामा चिठ्ठापनि राखेको थियो । यि नानीहरु त्यहि चिठ्ठा बिक्रि गर्ने कोसिस गर्दै थिए ।
ठ्याक्कै काठमाडौं र पाटनमाझैं कुमारी देखाइएको थियो । यसले अतिनै आकर्षण गरेको थियो नेपाली र फ्रान्सेली दुबैलाई ।
पाका, वालवालिकाहरुले दिन भरिनै विविध न्रित्यहरु देखाईरहेका थिए । फ्रान्सेली र नेपाली हरु त्यसमा कम्मर मर्काई मर्काई नाचिरहेका थिए ।
त्यो सबै कार्यक्रम हेर्ने फ्रान्सेलीको भिड ।
पेरिसमा नेपाली सांस्क्रितिक ग्रिह बनाउनका लागि आर्थिक रकम जुटाउन र नेपाली संस्क्रितिको प्रवर्धन तथा संरक्षण गर्न नेपाली सांस्क्रितिक ग्रिह, पेरिसले आयोजना गरेको हो । यसका अध्यक्ष हेमन्त उपाध्याय हुन् । वालवालिकाहरुलाई यि न्रित्य सिकाउने तथा निर्देशन गर्ने काम निता श्रेष्ठबाट भएको हो ।
