गजल
-नेपोलियन मरहट्टा
नबजाऊ ताली देश ओरालो लागेको बेला
नभत्काऊ आली देश ओरालो लागेको बेला
°°°°°°°°°°°°°°°°°°°°°°°
आफैं घस्छौ सोह्र सिँगार, देखेनौ देश नांगो
नलगाऊ लाली देश ओरालो लागेको बेला
°°°°°°°°°°°°°°°°°°°°°°°
आफु भलो जगत भलो, नकाट कुरा छिमेकीको
नसुनाऊ गाली देश ओरालो लागेको बेला
°°°°°°°°°°°°°°°°°°°°°°°
ताला लगाऊ भन्डारमा, दु:ख पर्दा काम लाग्छ त्यो त
नबनाऊ खाली देश ओरालो लागेको बेला
°°°°°°°°°°°°°°°°°°°°°°°
जनहित कल्याणकारी बन्नु पर्छ संबिधान यो
नबनाऊ जाली देश ओरालो लागेको बेला
°°°°°°°°°°°°°°°°°°°°°°°
बिदेश पस्नेहरु हो फर्कौं देश निर्माणमा
बिन्ति छ यसपाली देश ओरालो लागेको बेला
