गजल
–प्रकाश सापकोटा / बनेपा, काभ्रे
ट्रङ्कलमा कुराकानी ठेट हुन्न तिम्रो-मेरो
झट्टै आऊ नत्र अब भेट हुन्न तिम्रो-मेरो
++++++++++
ऐलेसम्म तिम्रै लागि उघारेर राखेको यो
दिलभित्र पस्ने मूलगेट हुन्न तिम्रो-मेरो
++++++++++
आफैं पनि आलेटाले गरी बस्यौ भनेदेखि
पिरतीको मजा भरपेट हुन्न तिम्रो-मेरो
++++++++++
समयको बेग छोपी आईपुग्यौ भने मात्र
भावीको यो लेखा केरमेट हुन्न तिम्रो-मेरो
++++++++++
ट्रङ्कलमा कुराकानी ठेट हुन्न तिम्रो-मेरो
झट्टै आऊ नत्र अब भेट हुन्न तिम्रो-मेरो
-हालः दोहा, कतार
