बरु काली भन जाली नभन

–उमादेवी / देवीपथ, हेटौंडा

बरु काली भन कृपया मलाई जाली नभन,

 म त तिम्रै घरवाली हुँ, मलाई साली नभन ।

 ———————–

सम्मोहनका मधुमासमा मदहोस सुवासिनी,

म त हजुरकै फुलबारी हुँ, मलाई माली नभन ।।

 ———————–

स्पर्शमा लालायित मस्त परागमा फक्रिएकी,

म त सुन्दर गुलाब हुँ, मलाई डाली नभन ।।

———————– 

सुहागका प्रतिबिम्ब तिम्रै लागि आवाद सिउँदो,

पर्खाइमा प्रताडित मलाई किन खाली ? नभन ।।

———————– 

नयाँ सम्बन्ध, नयाँ संसार अनी खुशी नयाँ बर्षको,

यि त स्वयम्बरका थपडीहरु हुन्, रमिते ताली नभन ।।

हाल : साउदी अरेबिया, दमाम ।