हिन्दी भाषा बोल्ने भए !
-तिर्थ राज पाण्डेय
मेरो सितल निवास मेरो पुर्खाको चिनारी !
नेपाल र नेपालीलाई जन्माउने ति नारी !!
पुज्य मेरी नेपाल आमा तिम्रा सन्तान मरी सके !
भाषा बोली बिर्सिएर हिन्दी सुरु गरी सके !!
गरिमाको पदमा बसी हिन्दी सपथ भईसक्यो !
नेपाली र नेपालको अस्तित्व नै गैसक्यो !!
राष्ट्रियता भनुँ भने केनै बाँकी छ र !
हे देशका कलंक हो सपथ त नेपाली मा गर !!
बोली भाषा लाउने लुगा सबै छोडिसके !
देशको नियम बनाउनेले नियम तोडीसके !!
आमाको काख बिर्सियोकी बोली बिर्सिगयो !
हिन्दी भाषामा सपथ लिने के नेपाली भयो !!
आफ्नो बोली आफ्नो भाषा धितो राख्या छौ र !
हिन्दी भाषामा सपथ लिने नेपाली नै हौं र !!
हिमाल पहाड तराइ हामी नेपाली हो मन !
हिन्दी भाषा सपथलिने कोहौ तिमी भन !!
शाहीदको रगतको लिपी छँदा छँदै !
हिन्दी भाषा सुरु भयो आमा हुँदा हुँदै !!
तिम्रो हिन्दी तिम्रो बोली तिमीसितै राख !
हिन्दी भाषा बोल्ने भए उतै तिर लाग !!
महाकाली -नेपाल
