टोकियो सहर

 

–दिलिप योञ्जन / अमेरिका

[संगीतकार :  न्हु बज्राचार्य

गाएक : राम कृष्ण ढकाल]

टोकियो सहर हेर्नुमा रहर साकुरा फूलीदिँदा

बिर्सन खोज्छु दुख्छ झन मुटु सम्झना आउदा !

बिपना बित्यो दुख र पिडा आसुमा डुब्दिँदा

दुखेर छाती भत-भती पोल्छ सपनी छुट्दिँदा

आसुमा डुबे यी रातहरु बेदना बल्झिँदा

बिर्सन खोज्छु दुख्छ झन मुटु सम्झना आउँदा !

पोलेको छाती जलेको आत्मा आसुले धुइदिँदा

रसाई रहे परेलीमाझ भाबना टुक्रिँदा

मर्दैछु म त जिउनको लागी बेदना बल्झिँदा

बिर्सन खोज्छु दुख्छ झन मुटु सम्झना आउँदा !