गजल
–एस.एच. निरौला / शंखमूल, काठमाडौं
जिन्दगीमा कयौंचोटी हारेर म जिएको छु
हारे पनि यौटा बाजी मारेर म जिएको छु ।।
ज्योतिषीले भनेकाथे भाग्य छैन तेरो बाबु
नवग्रह मुठ्ठीभित्र पारेर म जिएको छु ।।
कर्मठता साथलिई सच्चरित्र हातलिई
भाग्यलाई परसारि एक्लै म जिएको छु ।।
सूर्योदय हुँदादेखी चन्द्रोदय हुँदासम्म
अविच्छन्न परिश्रम नारेर म जिएको छु ।।
सुख-दुःख कष्ट-पीडा एकै ठाउँ समेलेर
भुट्दा भुट्दै जीवनमा खारेर म जिएको छु ।।
