मानिस ठुलो कर्मले नै हुन्छ
-सागरिका
सलाम छ सानो भाइ कमललाइ
सलाम छ तिम्रो साहसी पाइलाहरुलाइ ।
यमदुतसँग लडने तिमी, देवदुत रहेछौ
मृत्युलाई नि जित्ने, अमृत बनेछौ ।
सानो पाखुरिमा नि, कत्रो आत्मबल
कुरी कुरी होला समाजका, ठेकदारहरुलाई अब
महान रहेछौ तिमी, महान तिम्रो जननी
लेखिने छ नाम तिम्रो, ईतिहास पनी ।
छैनन शब्द प्रयाप्त मनमा, कसरी म पोखुँ
छल्कियो आँखा खुशीले, कसरी म रोकुँ ।
लासै लासको समाचार माझ
जीवनको यो खबर आएको छ
तेह्र बर्षको कमल भन्ने बालकले
एउटी बालिकालाई बचाएको छ ।
सौरभले तिम्रो आज फेरी
नेपाल आमाको मुहार हँसाएको छ
मानिस ठुलो कर्मले नै हुन्छ
तथ्य त्यो प्रष्ट्याएको छ ।
मरेको छैन गोर्खाली गौरव
आसाको पालुवा, फेरी यहाँ मौलाएको छ ।
(पोखराको सेती नदी खोंचमा झण्डै ६० फिट तल खसेकि अढाई वर्षिया वालीकालाईबुधवार नाटकिय ढंगले उद्दार गरेर जिवितै बाहिर निकाल्ने वालक हुन कमल । ति वालक संबन्धि समाचार यहाँ क्लिक गरेर हेर्नुहोस। उनको तस्विर हेर्न यहाँ क्लिक गर्नुहोस)।