समय

–प्रशान्त उप्रेती / पेरिस, फ्रान्स

 

बियोगले मेरो छाती चिरिँदा

 तिमीलाई विश्व बिजयको स्वर्गिय आनन्द मिलोस्

 बिछोडको त्यों उपहार मैले पाउँदा

 तिमीलाई शताब्दी पछिको मिलनको आभास होस्

ती काला रातहरुमा काल कुर्दै म निदाउँदा

तिमी स्वप्निल अनी सुन्दर सपनामा रमाउनु

म मेरो जीबन अन्त्यको प्रार्थना भगवानसँग गर्दा

तिमी लाई मेरा बाँकी उमेर ईश्वरले तिमीलाई जोड़ी दिउन्

सारा संसारले मलाई घ्रिणाको दृष्टिले हेर्दा

सारा जगतले तिम्रो प्रशंसा अनी जयजयकार गरुन

मलाई एकोहोरो पागल को संज्ञा जगतले दिँदा

तिमी संसार हाँक्ने आँट लिएर अघि बढ्नु

म असफल जीबन यात्री बने पनी

तिमी आफ्नो सफल अनी सुन्दर भविष्य निर्माणमा लागिरहनु

म म्रित्युसय्यामा चिच्याउँदा

तिमी मधुर संगीतमा रमाउनु

म चितामा जलेर खरानी हुँदा

तिमी जनम जनम नटुट्ने नाता जोड्नु

तिमी जनम जनम नटुट्ने नाता जोड्नु