भन्न मन लाग्यो

–निरज लामा

 

कोइली बनी मधु बनमा गीत गाउँन मन लाग्यो।

 मयूरसँग ताल मिलाई नाच्न मन लाग्यो ।।

 झरनाको धुन सँग नाता जोडेर,

 चरी जस्तै आकाशमा उड्न मन लाग्यो ।

 खोलानाला पाखापखेरा  आहा  कती राम्रो छ

 बसन्तको फुल बनी फुल्न मन लाग्यो ।।

 प्रक्रितीले पनि मलाई जिस्काए झै लाग्छ,

 बादलको घुम्टो बनाई ओड्न मन लाग्यो।

  क्षितिज बाट चियाई -चियाइ कोही मलाई हेर्ने गर्छ,

 उनकै लागि श्रीङ्गार आज गर्न मन लाग्यो ।।

 थाहै नपाई जवानीको रङग चढेछ,

 हिमाल सँग मेरो रङ दाँज्न मन लाग्यो ।

 सपनीमा एउटा मान्छे सधैं आउने गर्छ,

 ईश्वर सामु उनलाई नै माग्न मन लाग्यो ।।

 पागल झैं चिच्यार भन्न मन लाग्यो