उनी सँग
–अनुभव
सराङ्कोटको डाँडा सँगै चढ्दै गर्दा मजा भयो
हात समाई उन्को नजिक बढ्दै गर्दा मजा भयो ।
उकालीको यात्रा सँगै साथीहरु छिन्न भिन्न
सँगै हामी दुईको दुरी घट्दै गर्दा मजा भयो ।
थाकेँ भन्दै काखमा राखी उठाउन अनुरोध भो
बोक्ने बेला चिप्लेपछि लड्दै गर्दा मजा भयो ।
अचानकै अनायासै बाँधिएछौ आलिङनमा
लजाएका नजर उनका पढ्दै गर्दा मजा भयो ।
फेवातालमा छाल उठ्यो, बन्द भए नजरहरु
ओठ माथि ओठ झनै गड्दै गर्दा मजा भयो ।
सराङ्कोटको डाँडा सँगै चढ्दै गर्दा मजा भयो
हात समाई उन्को नजिक बढ्दै गर्दा मजा भयो ।
लेखनाथ-४ पोखरा
हाल: बग्दाद, ईराक ।
