आउ न सँगै घुम्न जाउँला मौला कालीका
-बिश्वोराज न्यौपाने
लोभै लाग्ने लर्के जोबन, दाई कि सालीका,
आउ न सँगै घुम्न जाउँला मौला कालीका ।
मन मिले गरौला नि माया साटा-साट,
डाँडा बाट हेरौला नि चितवनको फाँट ।
काखैमा नारायणी, डाँडा कालीका,
आउ न सँगै घुम्न जाउँला मौला कालीका ।
एअरपोर्ट बाट उत्तर तिर हिमाल हाँसेको,
दक्षिण तिर निकुन्जमा मयुर नाँचेको ।
सँगै-सँगै रत्त्ननगर नगरपालीका,
आउ न सँगै घुम्न जाउँला मौला कालीका।
हाकिम चोकमा उखु को जुस सँगै बसी पिउँला,
तिम्ले दिए चोखो जोबन मैले पनि दिउँला ।
कत्ती राम्री दाई कि साली, फुल डालीका,
आउ न सँगै घुम्न जाउँला मौला कालीका ।
लोभै लाग्ने लर्के जोबन, दाई कि सालीका,
आउ न संगै घुम्न जाउँला मौला कालीका ।
हेटौंडा-३, देवीपथ
मकवानपुर ।
