भारतीय हतियार बेच्न पो रैछ एमालेको सरकार ?
भारत पूजिवादी मूलुक । पूजिवादीहरुको मूल ध्येय कम्युनिष्टहरुलाई सिध्याउने । सकेसम्म फकाउने । घुसपैठ र गुप्तचरी गर्ने । कम्युनिष्ट पार्टीमा फूट ल्याइदिने । चिराचिरा बनाएर खत्तम पार्ने । नेताको हत्या र किनबेच गरेर पार्टी तहसनहस पार्ने । त्यति गर्दापनि केहि सिप नलागे आतंककारी भनेर दमन गर्ने । अनि सिध्याउने । तर कांग्रेस जस्तो आफ्नै नीति र सबैभन्दा निकट संबन्ध भएको पार्टी । किन भारतले नेपाली कांग्रेसलाई छोडेर एमालेको सरकार बनाउन ज्यान फाल्यो ? अहिलेसम्म कांग्रेसलाई काखि च्याप्दै आएको भारतले किन एमालेलाई अनेक जोडजुलुम गरेर सरकारमा पुर्यायो ? सत्तामा पुग्न र कुर्सीका लागि आफ्नै बहुमतको सरकार ढालेर मध्यावधी निर्वाचन गर्ने नेपाली कांग्रेसले किन एमालेलाई सहजै सरकारको चाबी सुम्पियो ? त्यसको वास्तबिकता त अहिले पो खुल्दै छ ।
भारतलाई बिभिन्न मूलुकमा असफल भैसकेका हतियार नेपाललाई बेचेर दाम कमाउनु रहेछ । अनि हतियार बेच्नका लागि उसले गतिलो ग्राहक । असक्षम नेत्रित्व । नालायक नेता । कमजोर पार्टी । धमिलो राजनितिक अवस्था । सत्तामा पुग्न नसक्ने कमजोर र गन्हाएका नेताको खोजि गरिरहेको रहेछ । त्यो सबैको खोजि गर्दा उसले नेपाली कांग्रेस भन्दापनि भरपर्दो पार्टी भेट्यो – नेकपा एमाले । त्यहि भएर उसले नेकपा एमालेलाई अनेक तिकडम गरेर सत्तामा पुर्याएको रहेछ ।
उसले सरकारको टाउको पनि गतिलो फेला पार्यो । जिवनभर नेत्रित्वमा असफल । जनतालेपनि जहाँसुकैबाट गल्हत्याएका नेता माधवकुमार नेपाल । सभासदमै नपत्याइएका नेतालाई प्रधानमन्त्री बनाएपछि उ प्रति बफादार हुनेनै भए । अनि रक्षामन्त्रीपनि त्यस्तै नालायक छानियो । अनि बने माधव नेपाल सिखण्डी । र तिनले आफुलाई प्रधानमन्त्रीको पदमा पुर्याउनेको गुन तिरे हतियार स्विकार गरेर ।
पूर्व राजा ज्ञानेन्द्रको पालादेखि भारतबाट हतियार बेच्न रोक्का भएको थियो नेपालमा । भारत छट्पटिएको थियो । अहिले भनेजस्तो आफैंले सरकारमा पुर्याएको सरकारले आँखा चिम्लेर इन्सास, लाइट मेसिन गन (एसएमजी), सर्टमेसिन गन (एसएमजी) जिपिएमजी, टु इन्च मोर्टार, ५० मिलिमिटर लाइट बम, ८१ मिलिमिटर रकेट लन्चरलगायतका हतियार र तिनका गोलीगठ्ठा समेत स्विकार गर्यो । यस्ता हतियार पूर्व राजा ज्ञानेन्द्रको १९ माघ को शाही घोषणा अघि नेपाल आउँथे र त्यो बेलादेखि रोकिएको थियो ।
चाखलाग्दो पक्ष त के छ भने ति हतियारमा ३० प्रतिशत मात्रै मूल्य नेपालले तिर्नुपर्ने । बाँकि मिनाहा । त्यस्तो संभव हुन्छ ? कुनैपनि चिजमा ७० प्रतिशत छुट ? बेच्नेले नाफा खानु पर्दैन ? ७० प्रतिशत छुट दिँदापनि नाफा ? रहस्य अर्कै छ । किनभने यि हतियार असफल भैसकेर थन्किएका हुन् । ति कार्गिल युद्दमा प्रयोग हुँदा असफल भएका थिए ।
ईन्सास राइफल त सय राउण्ड पड्केपछि पड्किनै छाडेको रहेछ । अनि त्यस्ता हतियार कुन मूलुकले किन्छ ? असफल हतियार सहर्ष स्विकार गर्ने मूर्ख नेता नेपाली भन्दा को पाउँछ भारतले ? हाम्रै कालीकोट जिल्लाको पिलीमा माओवादी जनसेना र नेपाली सेनाबिच भिडन्त हुँदा तिनै भारतीय ईन्सास प्रयोग भएका रहेछन् । त्यो बेला गोली नपड्केपछि नेपाली सेनातिर ठूलो क्षती भएको थियो ।
भारतीय चलाखी र घुर्त्याई न हो, उसले हाम्रा ईन्सास हतियार माओवादी लडाकु दबाउन नेपालमा खुब प्रयोग भएका छन् भन्दै अफ्रिकी मूलुकमा प्रचारप्रसार गरेको रहेछ । यो पटक अब माधव नेपाल भारत गएपछि ति हतियार नेपाल भित्रिने छन् । त्यसपछि भारतले फेरि नेपालमा बेचेको भन्दै कुनकुन देशमा प्रचर गर्ने हो नेपालको नाम जोडेर ।
यसको अर्को महत्वपूर्ण पाटो के पनि छ भने काम नलाग्ने हतियार भित्रिंदै मात्रै छैनन् नेपालमा, ब्रिहद शान्ती संझौतालाई चुनौती दिने निर्णय पनि हो यो । किनभने माओवादीसित भएको ब्रिहद शान्ति संझौता अनुसार माओवादी जनयुद्दको थान्को पान्को नलागेसम्म कुनैपनि हातहतियार खरिदबिक्रि र ओसार पसार गर्न पाइँदैन । तर किन एमाले नेत्रित्वको सरकार काम नलाग्ने हतियार भित्र्याउँदै छ ? त्यो पनि शान्ति संझौता बिरुद्द ।
-संबन्धित रिपोर्टपनि हेर्नुस
