फेरी किन ?

–अनुभव

 रोकिएका मेरा आँसु झार्न किन आउनुभयो ?

 बाँच्ने कोशीस गर्दै थिएँ मार्न किन आउनुभयो ?

 

 फूलको जोवन हजुरको भमराको खिचातानी

 पुन: एक पटक झारा टार्न किन आउनुभयो ?

 

 जि जि हजुर भनी भनी वसन्तको ओईरो दिए

 आज फेरी भुमरिमा पार्न किन आउनुभयो ?

 

 सपनाको मेरो घरबार रजिनामै दिई अन्तै

 आँगनीमा तुल्सिको बोट सार्न किन आउनुभयो ?

 

 माया प्रेमको सिढी बनाई सफलताको सिखर चुम्न

 जानु भा’थ्यो जित्छु भनी हार्न किन आउनुभयो ?

 

 रोकिएका मेरा आँसु झार्न किन आउनुभयो ?

 बाँच्ने कोशीस गर्दै थिएँ मार्न किन आउनुभयो?

 

लेखनाथ-४ पोखरा, नेपाल

 हाल: बग्दाद, ईराक ।