गजल
-नेपोलियन मरहट्टा
ब्यर्थै हामी छुट्टीएछौं रात अझै बाँकी थियो,
भन्नै लाज लाग्ने एउटा, बात अझै बाँकी थियो ।
फूलको बोट् र तिमीलाई उस्तै उस्तै देखें मैले,
थुँगाहरु छोए पनि, पात अझै बाँकी थियो ।
ब्यर्थै हामी छुट्टीएछौं रात अझै बाँकी थियो,
भन्नै लाज लाग्ने एउटा, बात अझै बाँकी थियो ।
थाहै नदिइ तिम्लाई मैले सबैतिर चुम्बन गरेँ,
अन्त चुम्बन गरे पनि, हात अझै बाँकी थियो ।
ब्यर्थै हामी छुट्टीएछौं रात अझै बाँकी थियो,
भन्नै लाज लाग्ने एउटा, बात अझै बाँकी थियो ।
त्यती जाबो चुम्बनले मात्रै तिम्लाई पुगेन कि ?
दिनु पर्ने तिमीलाई, सौगात अझै बाँकी थियो ।
ब्यर्थै हामी छुट्टीएछौं रात अझै बाँकी थियो,
भन्नै लाज लाग्ने एउटा, बात अझै बाँकी थियो ।
हिजो तिम्रो मेटिएनी, मेरो तिर्खा मेटिएन,
म भित्र त जवानीको, मात अझै बाँकी थियो ।
ब्यर्थै हामी छुट्टीएछौं रात अझै बाँकी थियो,
भन्नै लाज लाग्ने एउटा, बात अझै बाँकी थियो ।
