गजल
-नेपोलियन मरहट्टा-
मुर्दाहरु बौरिएर सत्ता लिन थालेपनि,
हर्ष कतै देख्दिन म राजतन्त्र ढालेपनि ।
यही देशमा मात्रै देखेँ अचम्मको गणतन्त्र,
ओईलाउँदै गयो बोट जती पानी हालेपनि ।
जस्ले सत्ता लिए पनि राष्ट्रियता धुजा-धुजा,
नढाकीने रैछ लाज हजार ठाउँ टालेपनि ।
सत्यकुरा तितो हुन्छ, भन्थ्यो यस्ले भन्नुहोला,
जस्तो अरु कुलंघार, त्यस्तै हो एमालेपनि ।
गाँस काटी खुवाएर कती गल्ती गर्छौ जन्ता ?
बौलाएरै जान्छन् तिम्ले जती कुकुर पालेपनी ।
