नेपालमय पेरिस

 

अस्ति र हिजो पेरिस नेपालमय बन्यो । नेपाली सांस्क्रितिक ग्रिहले नेपाल महोत्सव आयोजन गरेकोले नेपालमय बनेको हो। पेरिसको सातो त भाँसेन भन्ने विशाल पार्क भित्र यो आयोजना भएको हो । नेपाली तोरन झुण्डिएझैं ध्वाजा र पताकाले सिंगारिएको थियो । नेपाली गरगहना, नेपाली लुगाफाटाले झपपक्कै सजिएको थियो । नेपाली गित, नेपाली विविध न्रित्य । मम, पकौडा, लड्डु, दालमरी, दाल भात र तरकारी जिब्रो फट्कार्दै खाएका थिए । कोइलामा झ्वार् झ्वारी त्यहिँ पोलिएको सेकुवाले धेरैको जिब्रो ओभ्याएको देखिन्थ्यो । नेपाली गोर्खा बियर आकर्षण बनिरहेको थियो ।

 लामा, र शेर्पा, तामाङ सेलो र तिजको गित, दोहोरी गित सँग नाच असाध्यै जमाए । भित्र पस्दा त नेपालकै कतै असनबजार वा बागबजार हो जस्तो लाग्थ्यो । फ्रान्सेलीहरुका बिच यसले नेपालको धर्म, संस्क्रिति, संस्कार पर्यटन को प्रचार गर्न निकै सहयोग गरिरहेको छ । र यो नेपाली सांस्क्रितिक ग्रिहले यस्तो नेपाल मेला हरेक वर्ष आयोजना गर्छ । नेपाल संबन्धि कुनै न कुनै नातो गाँसिएका संस्थाले नेपालकै हितका पक्षमा काम गर्ने हुनाले तिनलाई आफ्नो प्रचार प्रसार गर्न स्टल दिएको नेपाली सांस्क्रितिक ग्रिहका अध्यक्ष हेमन्त उपाध्यायले बताए । त्यहाँ नेपाल संबन्धि बिभिन्न डकुमेन्ट्रिपनि देखाइएको थियो ।

नेवार समूदायको कुमारी भित्र्याउने परम्परालापनि देखाइ एको थियो । योपश्चिमेलीहरुकालागि औधी अकर्षणको विषय हो । पेरिसमा कुमारी निकाल्दा पनि फ्रान्सेलीहरु क्यामरा तेर्स्याउँदै तँछाडमँछाड गरेका थिए । 

 

       नेपाली सामानहरुको सटल ।

 नेपालसँग वर्षौ देखि निकट फ्रान्सेलीहरुले त्यहिँ सागपात, मासु काटेर, त्यहिँ बेल्दै मम बनाएर पकाउने तरिकापनि सिकाएका थिए । यो हेर्न त जतिखेरपनि झुम्मिएको झुम्मियै मनिसहरु । 

      बाहिर कोइलामा सेकुवा पोलिँदै ।

नेपाली खानाका लागि नेपाली पोशाकमा खटिएका महिलाहरु ।

 

 

चितवनका त्यहिपनि मेरै गाउँ वरिपरीका अनाथहरुलाई पढाउने रहेछन् यि दुई जना मार्टिन र एडविजले । त्यसलेपनि भवनात्मक रुपमा निकट बनाउने रहेछ । उनीहरुको संस्था रहेछ सोलेई भेर् भन्ने । मेलामा आफ्नो संस्थाको प्रचार प्रसार गर्न आएका यिनले आफ्नो स्टलमा हाम्रा कार्यवाहक राजदूत जिवनप्रकाश श्रेष्ठसँग फोटो खिचाउँदै ।

दुई वालिकाहरु नेपालका अनाथहरुको तस्बिर हेर्दै । तिनका बाबुले ‘ल हेर त यि वालवालिकाका आमा बाबु छैनन्, तिमीहरु जस्ता कहाँ भाग्यमानी हुन् र” भन्दा ति भावुक बनेका थिए ।

      नेपाली सामान हेर्ने र किन्ने फ्रान्सेलीको चासो ।

मेला प्रचार प्रसार गर्न पेरिस शहरका बिभिन्न ठाउँमा नेपाल झल्काउने यसरि पोष्टरहरु राखिएका थिए ।

पहिले पहिले जस्तो होइन अहिले कार्यवाहक राजदूत जिवन प्रकाश श्रेष्ठ आएपछि पेरिसको दुतावास जागेको छ । नेपाली मेलामा नेपालको भूगोल, सांस्क्रितिक, धार्मिक र पर्यटन प्रवर्धन गर्ने बिभिन्न आकर्षक पोष्टर र भिडियो देखाइएको थियो । त्यसमा आगन्तुकहरुको चासो निकै बाक्लो थियो। केहि नेपालीले ‘जिवन प्रकाश सर आउनु भएकाले पो दुतावसका तर्फबाट यो संभव भएको त’ भने प्रतिक्रियापनि दिँदै थिए ।

चिन्नुहुन्छ यो फुच्चे को हो ? एरिक भ्यालीको काराभान (नेपाल बाहेक अन्यत्र यो फिल्म द हिमालयको नामले चिनिन्छ) मा बाबा भन्दै कराउने सानो फुच्चे । कर्मा लामा । अहिले हर्लक्कै बढेर पो यत्रो भएका त । यिनि अहिले पेरिस आएका छन् र एरिक भालीसितै बस्छन् । उनको छेउमा उनैकी फ्रान्सेली दिदी कोलेत जो खरर नेपाली भाषा बोल्छिन ।

 कार्यवाहक राजदूत जिवन प्रकाश श्रेष्ठ आफ्नी छोरी र उनकी सँगीसित फोटो खिचाउँदै । छोरी जैनु श्रेष्ठ र उनैकि सँगीपनि खुब राम्रो नाच्छन् । फोटो खिच्ने चाहिँ पेरिसमा फोटो ग्राफरकारुपमापनि चिनिएका बिजेन्द्र श्रेष्ठ ।

 (अर्को ब्लगमा हेर्नुहोला मेलाका न्रित्यहरुको तस्बिर । न्रित्य असाध्यै सुन्दर देखाएका थिए  । सबै तस्बिर म आफैंले खिचेको हुँ नेपालप्लसका लागि) ।