फ्रान्समा नेपालीहरुबिच भलिवल प्रतिस्पर्धा, पहिलो कप एकता समाज पहेंलोलाई
नेपाली एकता समाज फ्रान्सले १८ सेप्टेम्वर २०१६ मा बिभिन्न संघसंस्थाहरू बिच आयोजना गरेको भलिबल प्रतियोगितामा प्रथम कप नेपाली एकता समाज फ्रान्स पहेँलो जर्सीले हात पारेको छ । त्यस्तै, तमु समाज फ्रान्स दोस्रो भयो । भलिबलमा कुशल सीप र कौशलता देखाएर शान्त स्वभावले खेलेका शिखर पुन उत्कृष्ट खेलाडीको उपाधि चुम्न सफल भए ।
रेग पुन र लक्ष्मी प्रसाद भट्टचनको नेत्तृत्वमा यो खेल आयोजना गरिएको थियो । विजयीहरुलाई नेपाली राजदूतावास फ्रान्सकी राजदूत अम्बिका देवी लुईंटेल मानन्धरले पदक बितरण गर्दै खेलाडीलाई बधाई दिईन् ।
खेल नेपाली एकता समाज फ्रान्स पहेँलो जर्सी, नेपाली एकता समाज फ्रान्स रातो जर्सी, तमु समाज फ्रान्स र नमस्ते फ्रान्स बिच भएको थियो । राजदूत अम्बिका देवी लुईंटेल मानन्धरको प्रमुख आतिथ्यमा मेडल,प्रमाण पत्र, कप र नगद पुरस्कार बितरण गरी कार्यक्रम समापन गरियो ।
कार्यक्रम सफल बनाउन नेपाली एकता समाज फ्रान्सका अध्यक्ष लोक ब. पुनको पहलमा बिभिन्न ब्यक्तित्वहरूले आर्थिक, भौतिक र नैतिक समर्थन गरेका थिए । संपूर्ण खेलाडीहरूलाई खानपिनको ब्यवस्था देवेन्द्र के सी, विकास बग्दास र पुरूषोत्तम कार्कीको टिमले गरेको थियो । खेलपछि साँझमा संपूर्ण टीम र दर्शकहरू एकै साथ नेपाली संगितमा न्रित्य गर्दै रमाए ।
