गजल

-नेपोलियन मरहट्टा

 

सत्ता हात लाउने तिम्रो खेल धेरै भएकोथ्यो,

 

जिते पनि हार हुन्थ्यो, झेल धेरै भएकोथ्यो ।

 

 

मिले पो त राम्रो हुन्छ सौतेलीका सन्तानहरु,

 

घर एउटै तर भित्र अनमेल धेरै भएकोथ्यो । 

 

 

तिम्ले सत्ता लिनु पनि सजायँ रैछ जन्तालाई,

 

दुई चार वटा घटाईदियौ, नेल धेरै भएकोथ्यो ।

 

 

बाँध बाँध्न नसक्नेले आली पनि भत्काइदियौ,

 

हत्या, हिँसा, रुवाईको भेल धेरै भएकोथ्यो ।

 

 

पहिल्यै देखी फुटेको हो, नेपालीको पुर्पुरो त,

 

तर पनि क्षत-बिक्षत अचेल धेरै भएकोथ्यो ।