गजल : यत्रतत्र जालीहरु
- सुर्य न्यौपाने “सिकारु” / दक्षिण कोरिया
सज्जनलाई ठाउँ छैन यत्रतत्र जालीहरु
पथ भ्रस्ट भएपछि देश हाक्ने मालीहरु ।
+++++++++++++++++++++++++++
अन्यायको बिरुद्धमा हात जोडदै हिँडेपनि
न्याय होइन पाइन्छ यहाँ मुटु दुख्ने गालीहरु ।
+++++++++++++++++++++++++++
बलिदान र समर्पणको मूल्य चाटने भोगीहरु
निमोठदैछन सद्भाव र एकताका बालीहरु ।
+++++++++++++++++++++++++++
सहिदको रगतलाई फुलमालामा पोति पोति
कहिलेकाही ठोक्ने गर्छन जबर्जस्ती तालीहरु
+++++++++++++++++++++++++++
प्रजातन्त्र लोकतन्त्र गणतन्त्रको नारा बेच्दै
अखण्डलाई खण्ड पार्न छुट्याउदैछन थालीहरु ।
