पेरिसमा पाँच टोलीको भिडन्त, एकता कप तमुको पोल्टामा
बढो सुन्दर मौसम । पाँच एकता कपका लागि नेपाली फूटबल टीमहरु बिच रोचक प्रतिस्पर्धा । हिजोँ पेरिस नजिकको शहर लाकुर्नभमा भएको फूटबल प्रतिस्पर्धामा तमु समाज फ्रान्सले रोचक बिजय हासिल गर्यौ ।
फोटो : दिपक ज्योति थापा
माथिल्ला दुई तस्विर : पहिलोमा नेपाली दुतावास पेरिसका राजदूत मोहनक्रिष्ण श्रेष्ठ पुरस्कार बांड्दै र तल्लोमा नेपाली दुतावास, पेरिसका मिनिस्टर काउन्सिलर रामबाबु ढकाल पुरस्कार बितरण गर्दै ।फोटो-दिपक ज्योति थापा
बिजय खेलका लागि एनआरएनए फ्रान्स र तमु समाज बिच प्रतिस्पर्धा भएको थियो । र तमुका लागि गोल गरेका थिए अनिल गुरुँग ए । मेन अफ द म्याच मनोहर थापा एनआरएनए फ्रान्स ।
उक्त कपका लागि नेपाली एकता समाज बाट दुइ वटा टोली, तमु समाज फ्रान्स, एनआरएनए फ्रान्स र सीभील सोसाइटीका एक एक गरी कूल पाँच समूह प्रतिस्पर्धामा सामेल थिए ।
शुरुको खेल तमु समाज र एकता समाजको ग्रुप ए बिच भएको थियो जसमा तमु समाजको दुइ गोल र एकताको एक गोल भएको थियो ।
त्यसपछिका लगातार दुइ खेलहरु एनआरएनए फ्रान्स सँग सीभील तथा एकता समाजकै समूह दुइ बिच भयो । जसमा एनआरएनए फ्रान्सले भारी अन्तरले बिजय प्राप्त गरेको थियो ।
पाँच वटा समूह भएका कारण गोलाका आधारमा खेलाउँदा एनआरएनए फ्रान्सलाई लगातार तीन खेल खेल्नुपर्ने अबस्था आइपरेको थियो ।
अन्तिममको खेल एनआरएनए फ्रान्स र तमु फ्रान्स बिच भयो । लगातार दुइ खेल खेलेको एनआरएनए फ्रान्स को खेल अति सुन्दर भएपनि तेस्रो खेलमा उनीहरु निकै थाकेका देखिन्थे । तर पनि बिजय प्राप्तिका लागि भएको अन्तिम हाफ पछिको खेलमा एनआरएनए फ्रान्सले तमूलाई निकै दबाबमा राख्यो ।
एकता समाज फ्रान्सको समूह ए एनआरएनए फ्रान्स र तमू फ्रान्सको खेल हेर्दा नेपाली फूटबल टीमहरुको खेल निकै परिस्कृत भइसकेको देखियो । पुरस्कार नेपाली राजदूत मोहनक्रिष्ण श्रेष्ठ र मिनिस्टर कान्सिलर रामबाबु ढकालले बितरण गरेका थिए । कार्यक्रमका मुख्य अतिथि राजदूत श्रेष्ठ थिए ।
