तिम्रै लागि
–लक्ष्मी सापकोटा, बेलायत
सात समुन्द्र पारी तिमी
गाउँमा रुँदै बसेकी छु
आँशु पिउँदै अरु सामु
बाध्यताले हाँसेकी छु ।
अहिले मेरा रहरहरु
मुर्झाएर बसेका छन,
अनिश्चित यो भविश्यलाई
कल्पिएर हाँसेकी छु ।
शितलहरको कोपिला झैँ
मुर्झाएर बाँचेकी छु
तिमी सँगै जीवन जिउने
ठूलो सपना बुनेकी छु ।
कसो गरी खुशी हुनु
तिमी साथ छैनौ मेरो
लाल्टिन बाली तिमीलाई नै
कुरेर म बसेकी छु ।
फर्क तिमी मेरो माया
आँखाभरी सजाएर
तिमी आउने प्रतिक्षामा
पलपल गन्दै बाँचेकी छु ।
तिमी ईश्वर तिमी पूजा
तिम्रै लागि बाँचेकी छु
तिम्रै लागि सिउँदो मेरो
जोगाएर राखेकी छु ।
