कविता : खोई कस्तो नाता लायौ ?
● डा. क्रीस पौडेल / होक्काईदो, जापान
।।१।।
खन्डहर थियो मेरो अतित
तिमी त्यहाँ किन हुन्थ्यौ र,
अधर थिए मेरा ईच्क्षाहरु
तिमीले किन सुन्थ्यौ र,
तिमी भयौ कहिले जुन; कहिले तारा
म थिएँ कहिले नजिक, कहिले टाढा
अझै कती आशा गरौं
तिमीलाई पाउने !
खोई कस्तो नाता लायौ
सपनिमा आउने !
।।२।।
यि बेअर्थका सङ्घर्षहरु कती तय गरौं
बिषम यि यात्राहरुमा कती काया भरौं
तिमी हुन्छ्यौ पर पर
कहिले वर वर
भयो अब अरु कही हिंड्न सक्तीन म
तिमी बिना अरु कथा बुन्न सक्तीन म
अझै कती आशा गरौं
तिमीलाई पाउने !
खोई कस्तो नाता लायौ
सपनिमा आउने !
।।३।।
कहिले हच्किन्छौ तिमी
कहिले विच्किन्छु म
कहिले हुन्छौ मधूर तिमी
कहिले अल्लारे हुन्छु म
नज़र नज़र जुधेर के गर्नु खै
छचल्किरहन्छन् मनहरू
एकतमासको मायाको कुराले के गर्नु खै
अधैर्य हुन्छन् तनहरू
अझै कति आशा गरौं
तिमीलाई पाउने !
खोई कस्तो नाता लायौ
सपनीमा आउने ।
।।४।।
उकाली ओरालीको अनन्त यात्राले
अब डाँडा काट्नै लाग्यो
वैश र आवेगका छालहरूले
अब किनार खोज्नै लाग्यो
भयो अब अरू कहिँ हिँड्न सक्तिन म
तिमी विना अरू कथा बुन्न सक्तिन म
अझै कति आशा गरौं
तिमीलाई पाउने !
खोई कस्तो नाता लायौ
सपनीमा आउने ।
