मेरो विश्वास

–रन्जु मार्ग

सूर्यभन्दा पनि धेरै माथि

अनगिन्ति तारागणहरू

सूर्यभन्दा पनि भीमकाय

ब्रम्हाण्डका पिण्डहरू,

जब जब तिनीहरू

धर्ती हेर्न तलमाथि गर्नेछन्

के होला यो संसार?  एउटा अकल्पनीय तरंग मनभरि !

तर तिमी छौ, त्यसैले म ढुक्क छु |    

***************

धर्ती- जीवहरूको अस्तित्व

धर्ती -माया र प्रेमको मुहान

धर्ती- समर्पन र त्यागको आधार

यो सुन्दर छहारीमा

जब राप र तापले डस्नेछन्,

रहदैनन होला

कुनै जिव,

कुनै प्राण!

म अत्तिन्छु एकपटक,

तर तिमि छौ, त्यसैले म ढुक्क छु |

***************

धर्ती आक्रान्त छ,

यो धर्तीलाई जोगाउन

यो माटोको अमरगाथा गाउन

मानिसलाई प्रेमको पाठ पढाउन

तिमी प्रेमको गाथा सुनाउदै आऊ,

र फेरि तिम्रा वाणीहरू,

मानिसका मन-मस्तिष्कमा गुन्जाइदेऊ-

“शत्रुलाई पनि प्रेम गर!’

“क्षमाशील बन”

“सत्यको बाटोमा हिंड”

खडेरीले सताएको यो धर्तीलाई

प्रेमको पानीले नयाँ जीवन देऊ |

तिमी फेरि आउनेछौ, त्यसैले म ढुक्क छु |