गजल

∙ अभागी कान्छा गाउँले

तोपगाछी, झापा 

मेरो माया तिम्ले अचेल, मारेर पो के हुन्छ र !
दिल्को बाटो काँडे तारले, बारेर पो के हुन्छ र !!

००००००००००००००००००००

मुटु भित्र छुरा चलाई, नचिने झैँ गरि तिम्ले 
मनै मारी सधै बसाइँ, सारेर पो के हुन्छ र !!

००००००००००००००००००००

जहाँ देखे ढुङ्गा अबिर, तिम्रै लागि पुज्ने गर्छु !
दुनियाँको नजर बाट, झारेर पो के हुन्छ र !!

००००००००००००००००००००

तिम्रै खुशी मागी रहन्छु, आँशुमा म डुबे पनि 
बाटै मोडी क्षितिज पारि, तारेर पो के हुन्छ र !!

००००००००००००००००००००

तिमी सुखी देख्न चाहाने, उठे पनि बस्ति मेरै 
जिताएर सधै तिम्लाई, हारेर पो के हुन्छ र !!

००००००००००००००००००००

तिमि बिना एक्लै जिउन, जानेर नै बाँची रा’छु !
सबै बाट एक्लो मलाई, पारेर पो के हुन्छ र !!