फ्रान्सको अन्तर्राष्ट्रिय मेलामा यो वर्षपनि नेपाल मुख्य आकर्षण

दुई हप्ता अघि लियों शहरमा ठूलो मेला थियो । अन्तर्राष्ट्रियस्तरको । गत साल म आफैं नेपाली आयोजक समितीमा बसेको थिएँ नेपालको प्रचार गर्न । नेपाललाई माया गर्ने फ्रान्सेली संस्था र साथी थिए । यताबाट मुलत जिवनप्रकाश श्रेष्ठ र म थियौं । मैले बिदा बसेर त्यो मेलाका लागि काम गरेको थिएँ । यो पटक सकिएन । भ्याइएन । तैपनि त्यहाँका नेपालप्रेमी साथीहरुले नेपालको झण्डा उचाल्दै सहभागि भएछन् ।

गत सालझैं नेपाली न्रित्य, फ्रान्सेली युवतीबाट साकेला न्रित्य त भएन नै । तर यो वर्षको सहभागितामापनि नेपालको प्रदर्शनी मुख्य आकर्षण बनेछ । आयोजक कमिटीले नेपाली मन्दिरलाई मेलाको मुल द्वारमा राख्ने निर्णय गरेछ ।

यो मन्दिर गतसाल सिल्भियन दलाफामी, उनका पती फँस्वा र छोरी जेराल्दिन भएर बनाएका थिए । गतसालपनि यसले निकै चर्चा पाएको थियो । हजारौं हजारले प्रशंसा गरेका थिए । त्यसैले यो वर्ष आयोजक समितीले मूल प्रवेशद्वारमा राख्ने निर्णय गरेछ ।

आफ्ना झाँकी सहित शहरको मुख्य भाग फन्को मारिने, दिनभरि बिबिध देशका प्रदर्शनी हुने यो मेलामा करिब ४५ देशको सहभागिता थियो ।

गत साल झैं यो वर्षपनि सोलेइ भेर भन्ने संस्थाका साथीहरु भिडेका थिए यो अन्तर्राष्ट्रिय मेलामा नेपालको तर्फबाट भाग लिन ।

नेपालका हिमाली द्रिष्य थिए । बिभिन्न जनजातिका जिवन र दैनिकी झल्काउने तस्विर थिए । फ्रान्सेलीहरु आफैं गुन्यु, फरिया र चोलीमा सजिएका थिए । निधारमा रातो टिक्क ट्याक्क घसेका थिए नेपाली झैं देखिन ।

स्टल थियो नेपाल संवन्धि । त्यहाँ नेपालको कुटो, कोदालो, ठेकी, तिहारमा लगाउने रंगीचंगी टिका, धुप सल्काउने भाँडो देखि थाल कचौरा लगायत नेपाल झल्काउने निकै चिज थिए । थैली, टिसर्ट, गरगहन राखेका थिए । स्टलमा आउनेले मन लागी नेपाली चिया सुरुप्प पारेर चाख्न पाउने मेसोसमेत मिलाएका थिए ।

करिब ३५ हजरले नेपालको जानकारीमुलक सामग्रि सोधि सोधी आएर लगेछन् । यी मध्ये निकै अब नेपाल जाने सूचीमा पर्ने छन् अब । गत सालपनि नेपाल जाने तैरतरिका बारे निकैले चासो दिएका थिए नेपालको लोभलाग्दो प्रदर्शनी देखेपछि ।

पर्यटक बनेर नेपाल जाँदा बिमानले निजि सामान बोक्ने दिएको स्थानमा नेपालबाट हस्तकलाका सामान कोचि कोचि ल्याएर यहाँ बेच्ने र त्यो पैसाले नेपालका असहाय वालवालिका पढाउने गर्छन् यीनीहरु । यो संस्थाले नेपालमा क्रिषी, वालवालिका, पशुपालनमा असहायलाई निकै सहयोग गर्दै आएको छ ।

अघिल्लो वर्ष यहि ठाउँमा भएको मेला हेर्ने भए तलका लिंकमा जानुस्