कविता : नामहरु

• रन्जु ‘मार्ग ‘

 क देखि ज्ञ सम्म

 A देखि Z सम्म

 खोजि जारि छ !

        *

टिलपिल -टिलपिल

आँखामा छचल्किएका ति आँसुहरु

आँखैमा सुकाउँदै

मिलनको आशामा गुलाबी मन जोड्दै

पाइला -पाइलामा

अदृश्य दीप प्रज्वलित गर्दै

चरा -आकास

धर्ति-पाताल

कीट-पतिंगर

रुख -बिरुवा

हावापानी- झरना नदीहरु सबै सबै बगिरहेछन्

 आफ्नो गतिमा ,

     ***

बालक -युवाहरु

आमा -बुबाहरु

पत्नी -पतिहरु

तस्बिर -छाती छातीमा टाँस्दै

भित्ता भित्तामा कोर्दै

किनार किनारमा खोतल्दै 

खोजिरहेछन हराएका आफन्तहरु !!!