जीवन
-महेशचन्द्र देवकोटा
चाहना के गर्न हजुर आज मरे भोली दुई दिन ।
लानु के छ जाँदा हजुर वस्त्र वीना आको जीवन ।।
तेरो मेरो आना बिघा तनाव गर्नु किन अब ।
जाँदा एक इन्च आफ्नो हुन्न आगो खाने शव ।।
हावा लिने दिने सम्म बाँच्ने रैछ जीवन ।
सम्पती र नातागोता स्वार्थी बन्छ जीवन ।।
किन हामी तेरो मेरो कौंडी भन्दै बाँच्ने ।
म त हजुर अनमयस्क किन लामो आयु साँच्ने ।।
जीवन बाँच्ने शैली यस्तो किन हामी खोज्ने ।
चोला हजुर दुई दिनको किन तीन दिन लाने ।।
भैगो भैगो नदिनु ल कमाउने जोड ।
निमूखालाई मूर्ख बनाई राजा बन्ने होड ।।
अविछिन्न निश्चल म त नगर्नु ल घात ।
छुट्ने रैछ दूरी बडे नजिकिएको हात ।।
आँशु किन जे छ त्यसमा बिश्वास लिनु जीवन र ।
ईर्ष्या किन जे भको छ सन्तोष मान्नु जीवन ।।
उत्तमचोक, पोखरा
१५ माघ २०६५ ।
