गजल
● डा. हरिकुमार श्रेष्ठ /स्युचाटार २, काठमाडौं
भन्नु केही छैन तिमीलाई प्रिया
तिमी आफैँ चुरी फुटाउँछौ भने
दुःख पीडा छैन कत्ति ममा प्रिया
तिमी आफैँ सिन्दुर मेटाउँछौ भने ।
०००००००००००००००००००००००
स्वाभिमानी ठान्थे तिमीलाई प्रिया
तर म भ्रमको नशामा रहेछु
यक्ष प्रश्न छैन केही ममा प्रिया
त्यो अस्तित्व आफैँ लुटाउँछौ भने ।
०००००००००००००००००००००००
मुटु छियाछिया भईसक्यो प्रिया
मृत्यु शैयामा लम्केको म अपाङ्ग
कामना छ तिम्रो सफल यात्राको
अजम्बरीको बुटी भेटाउँछौ भने ।
०००००००००००००००००००००००
सारा बन्धन तोडी सकियो अब
केको हर्ष र विष्मात भो मलाई
गइदिन्छु चितामाथि जिउँदै
यदि तिमी मलामी जुटाउँछौ भने ।
