जनताको डोजर

● लुना / बेल्जियम

हो र ???
हैन होला !!!
हो हो
हो भन्या ! साँच्चै हो !!

०००००००००००००००००००००

नदेखेकाहरु छक्क पर्दै छन्
देखेकाहरुले दिउँसै तारा देख्दै छन्
डोजर लगाउँदा
बाबुरामको सरकारले.

०००००००००००००००००००००

हो, बाबुरामको सरकारले डोजर लगाईदियो
डोजर लगाउँदै छ
वर्षौं देखि हुन नसकेको काम हो यो
उ बेलै हुनु पर्थ्यो
तर हुन सकेन
हुति नभा ‘भ र –

०००००००००००००००००००००

अब
धमाधम
चल्दै छ जनताको डोजर
अब रुप फेरिने छ काठमाडौंको –

०००००००००००००००००००००

खान लगाउन पुगेर
सात पुस्तालाई थुपार्दा पनि
अझै नपुगे झैँ
काठमाडौंकै बाटोमा टाँसिएर
नसुहाउँदो
घाँटीको गलगाँड झैँ बनि
नसुहाउँदो मात्रै हो र !
०००००००००००००००००००००

बिझाउँदो
आँखाको कसिंगर झैँ बनि
काठमाण्डौलाई रोगि तुल्याउँदै
ढसमस्स बसेका यी गलगाँड महलहरु
बल्ल भत्कने भो
जनताको डोजरले –

०००००००००००००००००००००

यसै गरि,
कोपर्ने
निचोर्ने
जाल झेल भ्रस्टाचार
दल दलमा फसाउने धसाउँने
आदि इत्यादि
मुलुक र जनताका शत्रुहरु
यस्ता बिष रुपी ढिस्काहरु पनि
क्रमश : भत्काउँदै जाओस्
जनताको डोजरले —

०००००००००००००००००००००

करोडौंले
उर्जा बनि साथ दिने छन्
देश हितको कार्यमा
अघि बढिरहेको
जनताको डोजरलाई –

( फोटो साभार : नागरिक न्युज )