गजल
–अनुकुल प्रकाश .
तिम्रा मेरा कुरा काट्ने मान्छे कति-कती भेटें
न त तिम्रो दोष पाएँ न त आफ्नै गल्ती भेटें …
सन्जोग थ्यो हाम्रो मिलन चोक गल्ली चर्चा चल्यो
जल्नेको मन जल्दैथियो यस्मा उनकै खती भेटें …
चुपचाप चुपचाप तिमी र म मनमा द्वन्द चलिरह्यो
नबोलाऔं म कसोगरी ?? दुवै मनको क्षति भेटें …
राजिखुशी मन मिल्यो नयन मिल्दा शर्माएथ्यौ
झुकेका ति नजरभित्र, मौन सहमती भेटें…
उजाड उजाड जीवनपाटा मायाँ फूलाई सजाइदियौ
भ्याइ नभ्याइ सँगाल्दैछु खुशी भएजती भेटें…
चितवन, [email protected]
(अन्य वेभ साइट, ब्लग वा पत्रपत्रिकामा प्रकाशित भइसकेका कविता, गित वा अन्य लेख रचना स्रोत उल्लेखनगरि र स्पष्ठ नपारिकन बिभिन्न ठाउँमा प्रकाशित गराउन खोज्नु वा फरक फरक ठाउँमा पठाउनु लेखकिय मान्यता बिरुद हो । नेपालप्लसकालागि त्यस्ता रचनाको खाँचो छैन। जानाजानी त्यसरि पठाउनेहरुको रचना त के पाठक प्रतिक्रियापनि बन्देज गरिनेछ । नयाँ, छोटा र समय सान्दर्भिक लेख, रचना र कविताहरुकालागि स्वागत छ । लेखकको तस्बिर र ठेगाना खुल्ने रचनालाई प्राथमिकता दिइनेछ । सन्दर्भ पुरानो नहुने खालका रचना प्रकाशित हुन दुइ हप्तासम्म लाग्न सक्छ । तपाइँले पठाएका प्रतिक्रिया नहेरिकन प्रकाशित नहुने भएकोले केही समय लाग्छ । दोहोर्याएर पठाउनु जरुरी छैन । आफुले लेखेको प्रतिक्रिया धेरैले पढुन् भन्ने चाहनुहुन्छ भने प्रतिक्रिया सभ्य भाषामा लेख्नुहोस। ब्यक्तिगत गाली गलौजमा उत्रनुभन्दा संबन्धित लेख, रचनामा आफ्ना धारणा राखेर साझेदारी गर्नुहोस । अरुको धारणामा गाली गरेर होइन कि आफुले चित्त बुझ्दो तर्क दिएरनै अरुलाई आफ्नो पक्षमा पार्न सकिन्छ भन्ने नभुल्नुहोस-नेपालप्लस) ।