फ्रान्सेली नेतासँगै पेरिसमा नेपालीको देउसी भैलो
हुनत देउसी र भैलो खेल्ने बेला गयो नेपालमा । तर फ्रान्समा भने बल्ल मच्चिरहेको छ । नेपाली पर्वका दिन यहाँ नेपालीले छुट्टी पाउँदैनन । अनि आफ्नो अनुकूल पारेर मनाउने गर्छन बिदेशमा नेपालीहरु ।
फ्रान्समा त्यहि भएर अहिलेसम्म देउसी भैलो जमिरहेको छ । आफ्नो संस्क्रिति, संस्कार, रितिथिती र चलनलाई संरक्षण गरेर मनोरञ्जन गर्ने काम भएकै छ । बिदेशीका माझ चिनाउने मेसो र अवसरपनि बनेका छन हाम्रा पर्व । त्यसरि अग्रसरता लिने काम गरिरहेको छ प्रवासी नेपालीहरुको संस्था एनआरएनको फ्रान्स शाखाले । अहिले एनआरएन फ्रान्सको नेत्रित्वमा पेरिस र यसका आसपासमा देउसी भैलो चलिरहेको छ ।
म भर्खरै स्वदेशमा साना केटाकेटीहरुसित देउसी भैलो खेलेर आएको मान्छे यहाँ आएरपनि खेल्दै छु । हिजो पेरिस नजिकको सेनेमार जिल्लाको ख्रेजीलेमो भन्ने नगरपालीका भवनमै खेलियो देउसी र भैलो ।
आफु सत्तामा हुँदा नेपालका मठमन्दिर र चैत्य संरक्षण तथा पनौती र गोरखामा बिद्दालय स्थापना लगायतका विकास निर्माणको काममा सहयोग पुर्याएका थिए फ्रान्सेली पूर्व सांसद रोबर्ट ल फलले । (फोटोमा सबै भन्दा देब्रेबाट पहिलो फ्रान्सकालागि नेपाली कार्यवाहक राजदूत जिवनप्रेम श्रेष्ठ, दोस्रो रबर्ट ल फल, तेस्रो ख्रेजी लेमो नगरपालीकाका नगर प्रमुख, चौथो उनैकी पत्नी र सबैभन्दा दायाँ ल फल पत्नी) ।
नगर प्रमुख खुब रसिला र हँसिला रहेछन । नाच्न तम्सेका उनले एकै छिनमा नेपाली नाचको झण्डै सिकिहाले । हिजो उनैको नगरपालीकाका मेयरलगायतका ब्यक्तिसँग मिलेर खेलियो देउसी र भैलो । नगरपालीका पेरिसबाट ५० किमी जति टाढा पर्छ ।
सबका सबले गाए, नाचे, रमाइलो गरे। फ्रान्सेली यि नानीपनि आएर झाक्कलझुक्कल गरिन ।
देउसी भैलोमा गाउन राजेन्द्र लम्साल (देब्रेबाट पहिलो) जस्ता राष्ट्रिय कलाकारनै भएपछि के को दुख ? भट्याउने थिए अनुराधा पौडेल र हरि सापकोटा । गितकोपनि के दुख ? राजेन्द्र लम्सालसँगै बेला बेलामा जम्यो गितका पारखी राजेन्द्र घिमिरेको (दाहिनेबाट पहिलो) को गित । र बिचमा टिङ टिन पार्दै बजाउने संगित बोकेका गोबिन्द हमाल।
नाच्न त तँछाड मछाडनै हुने भयो । श्री गणेश रेस्टुरेन्ट मालीक घनश्याम पौडेल दाई रहेछन पहिलेका जिल्ला मै नाम कमाएका न्रित्यमा । ओ हो हो !!! उनको नाच क्या जोडको । उनको नाच हेरेर धितै नमर्ने । पात नचाएझै पार्ने रहेछन दाईले शरिरर त । मेयर र पूर्व सांसद ल फल लगायत फ्रान्सेली केटीहरुलेसमेत मुस्कुराउँदै हेरे।
नाचगान कहिले देउसी भट्टाउँदै त कहिले बिच बिचमा गित गाउँदै भयो । मादलमा साथ दिए चितवनका साथी क्रिष्ण अधिकारी (बायाँ) र थमन टण्डन (बिचमा) ले । मादल फुटाउँला झैं घन्कियो । कार्यक्रम शुरु हुनु भन्दा अगाडि हरिहर बुवा (अर्याल) ले संबोधन गरेर स्वागत गर्नु भयो सबैलाई । कार्यक्रम जमेको देखेर मख्ख परेका एनआरएन फ्रान्सका अध्यक्ष अशोक न्याउपाने दाईले मुस्काउँदै धन्यावाद मात्रै बाँडेनन नेपाली संस्क्रिति र संस्कार बचाउन र बिदेशमा प्रचार प्रसार गराउन यो कार्यक्रम गरेको भनाई राखे।
भर्खरै कार्यवाहक राजदूत भएर आएका नेपाली दूतावासका जिवनप्रेम श्रेष्ठकी छोरी जैनु श्रेष्ठको “गैरी खेतको शिरै हान्यो” बोलको गितमा न्रित्यले सबैलाई चकित पार्यो । उनी पेशागत न्रित्यांगनानै बनिसकेकि रहिछिन । उनले आफ्नै भाकामा गितको एक सिडी नै निकालिसकेकि रहिछिन । उनकि आमापनि उस्तै बेजोड नाचेर देखाईन ।
अर्कि वालिका निकिता उपाध्यय पो के कम ? उनलेपनि “यो मेरो प्राण भन्दा प्यारो माईतीघर” गितमा गज्जबको न्रित्य देखाएर सबैलाई खुशि पारिन ।
केहिबेरको नाचगानपछि लागियो राती अँध्यारोमै हरिहर अर्याल बुवा र निर्मलको घरतिर । (अघिल्लो पंतिमा बायाँ गितकार राजेन्द्र लम्साल र दायाँ अशोक न्यौपाने)
त्यहाँ त झन यति जम्यो गित, नाच अनि देउसी र भैलो कि अचम्मै भयो ।
(देउसीलाई नाङ्लो ट्क्र्याउने सुरसारमा ज्योती अर्याल र पेरिस घुम्न आएका उनैका बाबा पूर्व न्यायधिश )
निकैबेर केटा पक्ष र केटी पक्ष भएर दोहोरी खेलियो ।
वालिका भनेर के गर्नु ? यि दुई (दायाँ फ्लोरँस मल्ल) र बायाँ अस्मिता अधिकारीले थरी थरीका गितमा लगातार नाचेर आश्चर्यनै बनाए । थकाईपनि लाग्यो । अनि त्यहिँ खाना खाईयो र फर्कियौं हामी चार पाँच जना। बाँकि तिस पैतिस जना त त्यहिँ रातभरि गित गाउने, नाच्ने गाउने भनेर बसे।
(साथीहरु आज फेरि देउसी भैलो खेल्ने योजना छ । तस्बिर धेरै छन । आजको देउसी भैलो पछि हिजो र आजका सबै तस्बिर मिलाएर नेटमा रखिदिनेछु । नेपालप्लस हेर्दै गर्नुस है त ? अनि तपाईहरुलाई कस्तो लाग्छ यस्तो कार्यक्रम प्रतिक्रियापनि छोडिदिए मजै हुन्थ्यो नी !) ।
