गजल
-सुर्य मरहट्टा / चितवन
संसदमै कुटाकुट के भो यस्तो लौन प्रभु
जताततै फुटैफुट् के भो यस्तो लौन प्रभु
°°°°°°°°°°°°°°°°°°°°°°°°°°°°
जो मूर्ख र बलियो छ, त्यसले नै हाँक्छ अब
देशै भयो ब्रम्हलूट् के भो यस्तो लौन प्रभु
°°°°°°°°°°°°°°°°°°°°°°°°°°°°
कडा कानून बन्यो भने आफै पर्छन् भन्ने डर
भ्रष्टाचारीलाई छूट के भो यस्तो लौन प्रभु
°°°°°°°°°°°°°°°°°°°°°°°°°°°°
सत्यवादी नेताको त अनिकालै पर्यो देशमा
अझै पनि बोल्छन् झूट के भो यस्तो लौन प्रभु
°°°°°°°°°°°°°°°°°°°°°°°°°°°°
प्रजातन्त्र आए पछि साँढे भए नेताहरू
जनता चाहिँ प्यासी उँट के भो यस्तो लौन प्रभु
